ដូចដែលបងប្អូនមហាជនជ្រាបហើយថា កាលពីថ្ងៃម្សិលមិញនេះ ម្ចាស់មេដាយមាស តៃក្វាន់ដូ កញ្ញា ស៊ន សៀវម៉ី បានភ្ជាប់ពាក្យជាមួយកំលោះសង្ហារ ដេវីត ធ្វើឲ្យមហាជន មានភ្ញាក់ផ្អើល និងចាប់អារម្មណ៍ជាខ្លាំង ព្រមជាមួយនឹងសារ ត្រេកអរ សាទរចំពោះរូបកញ្ញាផងដែរ។
ដំណឹងភ្ជាប់ពាក្យ របស់កញ្ញា ស៊ន សៀវម៉ី និងកំលោះជាងរូប លោកដេវីត ក្លាយជាប្រធានបទយ៉ាងក្តៅកកុះលើបណ្តាញសង្គម ហ្វេសប៊ុក ដែលជាធម្មតាតែងតែកញ្ញា ឈរជើងយ៉ាងរឹងមាំ នៅលើសង្វៀន ស្រាប់តែពេលប្រែក្លាយជាស្លូត ទន់ភ្លន់ ស្រស់ស្អាត ខ្លាំងនៅក្នុងថ្ងៃភ្ជាប់ពាក្យ ខុសដាច់ពីសង្វៀន ដែលមើលទៅកញ្ញា រ៉ឹងប៉ឹង ម៉ឹងម៉ាត់ មិនព្រមចុះចាញ់ ក្លាហាន ចេះបត់បែនតាមកាលៈទេសៈ ចេះដោះស្រាយបញ្ហា ជាមួយគូរប្រកួតប្រជែង។
ដោយឡែកបន្ទាប់ពីពិធីភ្ជាប់ពាក្យហើយនោះ កីឡាការនីតៃក្វាន់ដូ រូបនេះ បានបង្ហោះរូបភាពជាច្រើនសន្លឹក នៅលើបណ្តាញសង្គមហ្វេសប៊ុកកញ្ញា ដែលធ្វើឲ្យមហាជនមានការចាប់អារម្មណ៍និងរូបសម្រស់របស់កញ្ញាជាខ្លាំង ។ រូបភាពដែលបង្ហាញពីភាព ស្រស់ស្អាត ទន់ភ្លន់ គួរឲ្យស្រលាញ់ មិនដូចពីការប្រកួត ដែលមើលទៅរ៉ឹងប៉ឹង ម៉ឹងម៉ាត់ នោះទេ។
ជាចុងក្រោយមានតែពាក្យជូនពរ ដល់អ្នកទាំងពីរ សូមឲ្យមានសេចក្តីសុខឲ្យច្រើនៗ អ្វីដែលសំខាន់នោះ គឺស្រលាញ់គ្នាឲ្យខ្លាំងៗ ៕
