នៅថ្ងៃទី២៤ ខែមិថុនា ឆ្នាំ២០២០ នេះ នៅលើបណ្តាញសង្គមហ្វេសប៊ុករបស់លោក ផែង វណ្ណៈ បានបង្ហោះសារថា "ផែង វណ្ណៈ ឡេីងតុលាការថ្ងៃ ៣០ មិថុនា ២០២០ តាមបណ្ដឹងរបស់ លោកជំទាវ ឡោក ខេង
លោកជំទាវ ឡោក ខេង តំណាងរាស្ត្រមណ្ឌលភ្នំពេញ នៅថ្ងៃទី ២១ ខែ មេសា ឆ្នាំ ២០២០ បាន ប្ដឹង លោក ផែង វណ្ណៈ ទៅ អយ្យការអមសាលាដំបូងរាជធានីភ្នំពេញ ពីបទ ញុះញង់អោយមានការរេីសអេីង, បរិហារកេរ្តិ៍ជាសាធារណៈ និង ជេរប្រមាថជាសាធារណៈ ។
ការប្ដឹងខ្ញុំ នេះបានកេីតឡេីងបន្ទាប់ពីខ្ញុំបានផ្សាយព័ត៌មានអំពី ក្រុមលួចលក់ដីប្រជាពលរដ្ឋទំហំជាង ២ហិកតា នៅភូមិ សំរោងខាងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ ។ មេក្លោងលួចលក់ដីឈ្មោះ ឡុង ដារា ត្រូវបានសមត្ថកិច្ចចាប់ខ្លួនបញ្ជូនទៅ អយ្យការអមសាលាដំបូងរាជធានីចាត់ការតាមផ្លូវច្បាប់ និង ត្រូវបានចៅក្រមចេញដីកាឃុំខ្លួនដាក់ពន្ធនាគាររួចហេីយ ។
តាមចម្លេីយសារភាពរបស់ ឡុង ដារា គឺ ឡុង ដារា បានលួចលក់ដីទំហំជាង ២ហិកតា អោយទៅ ឧត្ដមសេនីយ៍ឯក ស ថាវី ហេីយឧត្ដមសេនីយ៍ឯក ស ថាវី លក់បន្តទៅអោយលោកជំទាវ ឡោក ខេង ដែលមានលោកស្រី យស មាលីណា ជាតំណាង ។
ខ្ញុំរីករាយនឹងឡេីងទៅឆ្លើយបំភ្លឺ ចំពោះបណ្ដឹងរបស់លោកជំទាវ ព្រោះខ្ញុំមិនបានប្រព្រឹត្តបទល្មេីសញុះញង់អ្វីនោះទេ ។
( ព័ត៌មានលម្អិតអំពីរឿងនេះ នឹងផ្សាយនៅពេលយប់នេះ )"។
ប្រភព៖ Pheng Vannak News
