ភ្នំពេញ ៖ ពិតណាស់ម្តាយគឺជាស្ត្រីម្នាក់ដែលហ៊ានលះបង់គ្រប់យ៉ាងដើម្បីក្តីសុខរបស់កូន ហើយស្ត្រីដែលមានឈ្មោះថា ម្តាយ នេះហើយដែលតែងតែជួយកូនពេលមានទុក្ខលំបាកតាំងពីតូចដល់ធំគាត់តែងតែជួយរហូតពេលខ្លះសូម្បីតែខ្លួនលំបាកក៏មិនហ៊ានប្រាប់កូនៗឲ្យដឹងដែរខ្លាចកូនលំបាកចិត្តខ្លាចកូនគិតច្រើន មិនចង់ឲ្យកូនស្មុកស្មាញនៅក្នុងអារម្មណ៍ទើបសុខចិត្តលាក់បាំងពីក្តីទុក្ខព្រួយនិងការលំបាករាប់លានជំពូករបស់ខ្លួន នេះហើយអ្នកម្តាយគឺបែបនេះឯង​។

ទន្ទឹមនិងនេះដែរបើយោងទៅតាមការបង្ហោះរបស់បងប្រុសម្នាក់ដែលមានគណនីហ្វេសប៊ុកឈ្មោះថា​ Satya SH គាត់បានធ្វើការបង្ហោះរូបភាពនិងភ្ជាប់មកជាមួយនិងសារដ៏មានន័យមួយឃ្លារដែលមានខ្លឹមសារយ៉ាងដូច្នេះផងដែរថា ៖ មេីលរូបភាពនេះហេីយសង្វែកណាស់​ "ទឹកចិត្តម្ដាយ"​ ថ្ងៃកំណេីតកូនប្រុស​កូនចង់បាននំខួប​ តែម្ដាយមានលុយតែ៤,០០០រៀលទេកូនខ្ញុំជិះកាត់ឃេីញកូនគាត់យំហេីយគាត់ព្យាយាមលួងថាចាំលេីកក្រោយ​ ចឹងខ្ញុំក៏ចូលទៅទិញនំខេកមួយយកមកអោយក្មួយប្រុសនោះ​ គាត់ជាម្ដាយលេីកដៃអរគុណ​ ក្មួយប្រុសនោះក៏សប្បាយចិត្ត

​អាសូរណាស់ម្ដាយគេម្ដាយយេីង​ អោយតែកូនចង់បានម្ដាយស្វែងរកអោយបានទាំងអស់​ (អ្នកម្ដាយកំសត់គឺជាស្ត្រីទីមួយដែលដឹងសុខទុកយេីងមុនគេ)ខ្ញុំផុសមិនមែនចង់បានល្បីទេ​ តែចង់ប្រាប់ថាម្ដាយហ៊ានធ្វេីគ្រប់យ៉ាងដេីម្បីកូនទោះក្រយ៉ាងណាក៏ដោយ សូមកុំធ្វេីអោយគាត់មិនសប្បាយចិត្តអី??  HBD ក្មួយប្រុសកំសត់​ ធំឡេីងក្មួយនឹងក្លាយជាមនុស្សល្អណា » ៕