ភ្នំពេញ ៖ តារា​ចម្រៀង​ហង្សមាស ពេជ្រ សោភា ត្រូវ​បាន​គេ​មើល​ឃើញ​ថា នាង​កាន់​តែ​ហក់​លោត​ខ្លាំង ដោយ​នៅ​ពេល​នេះ​មាន​ដំណឹង​ថា នាង​បាន​បោះ​ទុន​រាប់​សែន​ដុល្លារ ធ្វើ​ជា​អ្នក​ចែក​ចាយ​ផលិតផល​ថែ​រក្សា​សម្រស់​ផ្ដាច់​មុខ​មួយ ក្រោយ​ពី​នាង​លឺ​ពាក្យ​មើល​ស្រាល​មួយ​ចំនួន​ចំពោះ​មនុស្ស​នៅ​ក្នុង​ស្រុក។ 

ក្នុងនោះដែរគេសង្គេតឃើញថា នៅលើបណ្ដាញសង្គមបញ្ជាក់ពីភាពជាស្ដ្រីមេម៉ាយ របស់តារាចម្រៀងវ័យជ្រេអ្នកនាង ពេជ្រ សោភា បានធ្វើឲ្យមហាជន ជាពិសេសអ្នកគាំទ្រ ដាក់ការសន្និដ្ឋានថា នាងប្រហែលកំពុងមានភាពល្អក់កករ ជាមួយគូស្នេហ៍ជាតារាសម្ដែងលោក ឆឹម សក្កដា ទើបតែងតែបង្ហោះសារបង្ហាញអារម្មណ៍ក្នុងចិត្តបែបនេះ។

ខណៈពេលដែលអ្នកគាំទ្រកំពុងតាមដានពីចំណងស្នេហ៍ ថាតើមានបញ្ហារឿងយ៉ាងណានោះ ទើបមុននេះម្ចាស់បទ «អូនយំបងលួងគេ» បានបង្ហោះរូបភាពផ្អែមល្ហែមរួមគូស្នេហ៍បណ្ដូលចិត្ត ទឹកមុខពោរពេញដោយស្នាមញញឹម សេចក្ដីសុខ និងសុភមង្គល ដែលមានបញ្ជាក់ដោយសំណេរផ្អែមដូចស្ករថា៖ «មិនបាច់និយាយច្រើនត្រឹមដឹងតែថា បងគឺបង អូនគឺអូន ត្រឹមដឹងថាបេះដូងយើងនៅក្បែរគ្នា»៕