ប្រិយមិត្តជាច្រើនពិតណាស់ប្រាកដជាស្គាល់អតីតតារាចម្រៀងស្រីប្រុស លោក ឃុំ ប៉ុណ្ណាដែត និងអ្នកនាង យក់ ថិតរដ្ឋា ដែលបានរៀបការជាមួយគ្នាអស់រយៈពេល ១៥ឆ្នាំមកហើយ ដោយពេលនេះ តារាប្រុសស្រីរូបនេះ ក៏មានកូន២នាក់ និងបានសម្រាលកូនស្រីមួយទៀត ដោយជោគជ័យហើយ ដោយធ្វើឱ្យអ្នកគាំទ្ររំភើបចិត្ត ចូលរួមអបអរយ៉ាងច្រើនចំពោះតារាចម្រៀងរូបនេះ ។

ក្នុងនោះដែរ យោងតាមគណនីហ្វេសប៊ុក  លោក ឃុំ ប៉ុណ្ណាដែត បានឲ្យដឹងថា កូនស្រីរបស់លោកឈ្មោះ ឃុំ​ រដ្ឋាណាតាលី​ ហៅក្រៅ លីលី បានប្រសូតនៅថ្ងៃ ១៧​ សីហា​ ២០២០​ វេលាម៉ោង១០:១៥នាទី​ព្រឹក​ នៅមន្ទីពេទ្យសូរិយា​។ ក្នុងនោះលោក លោក ឃុំ ប៉ុណ្ណាដែត ក៏សូមអរគុណម៉ាក់អុំ​ភា​ លោកគ្រូ​អ្នកគ្រូ​ពេទ្យទាំងអស់​ដែលបានជួយបង្កេីតកូនស្រីខ្ញុំបាទ​ និងជាពិសេសគឺជួយដល់ភរិយាខ្ញុំ​ យក់​ ថិតរដ្ឋា​ ប្រកបដោយជោគជយ័ សូមអរគុណ​៕