ហ្វីលីពីន ៖ ប្រិយមិត្តជាច្រើនប្រហែលជាស្គាល់ហើយអំពីតារាសម្តែង អ្នកនាង Marian Rivera ហៅក្រៅថា ម៉ារីម៉ា បានប្រឡូកក្នុងវិស័យសិល្បៈ មានអាជីពជាតារាសម្ដែង យូរឆ្នាំមកហើយ តែប្រជាប្រិយភាពនៅតែមាន សម្រាប់ទស្សនិកជនរាល់គ្នាដដែល។ជាមួយគ្នានេះដែរ ទោះជាតារាស្រី រាជនីសម្រស់ ប្រចាំប្រទេសហ្វីលីពីនរូបនេះ មានប្ដី និងកូនរួចមកហើយមែន តែរូបគេបានធ្វើឲ្យហ្វេនៗរាល់គ្នា សរសើរមិនដាច់ពីមាត់ ពីរូបសម្រស់ដ៏ស្រស់ស្អាតនិងលេចធ្លោគួរឲ្យចាប់អារម្មណ៍។

ដោយឡែក ប្រិយមិត្តរាល់គ្នា ធ្លាប់តែឃើញ ម៉ារីម៉ា ក្នុងស្ទាយ៍លេងខ្លួន បែបកាលីបហាយសូរ ព្រមទាំងមានការ ផាត់ម្សៅក្រាស់ៗ តែដល់ពេលបាន ឃើញមុខមាត់ពិតៗ រឹតតែភ្ញាក់ផ្អើលគ្រប់គ្នាតែម្ដង។យ៉ាងណាមិញ ថ្មីៗនេះ បានលេចចេញរូបភាព ជាច្រើនសន្លឹករបស់ តារាស្រីវ័យ៣៥ឆ្នាំរូបនេះ ក្នុងការតែងខ្លួនយ៉ាងសាមញ្ញ។

យ៉ាងណាមិញ កាលពីថ្មីៗនេះ តារាល្បីហ្វីលីពីន Marian Rivera ដែលគេស្គាល់ថាជា ម៉ារីម៉ា បានបង្ហោះរូបភាពជាមួយស្វាមីនៅមុខប្រាសាទអង្គរវត្តនៅប្រទេសកម្ពុជា ប៉ុន្តែ​បែរជាសរសេរថា “When in Thailand” ។ ការសរសេរបែបនេះ ធ្វើឲ្យប៉ះពាល់ដល់កត្តិយលប្រទេសជាតិខ្មែរយើង អ្នកធ្វើឲ្យអ្នកគាំទ្រមិនពេញចិត្ត និងឲ្យ commentឲ្យនាង​កែតម្រូវ​វិញ។

បន្ទាប់ពីមានអ្នកគាំទ្រមិនពេញចិត្ត និងឲ្យកែតម្រូវភ្លក់ទឹកភ្លក់ដី ស្រាប់តែអ្នកនាង មិនរង់ចាំយូរ តារាល្បី​ហ្វីលីពីនរូបនេះកែតម្រូវ​នៅឡើយ។ តែមិនយូរប៉ុន្មាន តារាសម្ដែងរបស់ហ្វីលីពីនរូបនេះ បាន​កែតម្រូវ​វិញដោយលុបចោល ហើយអ្នកនាងបានសរសេរជាថ្មីថា «Cambodia»៕