ក្រោយពេលបានជួបផ្ទាល់ វ៉ាន់ នីឡា សរសើរពីសម្រស់ប្អូនស្រី នីត ស្រស់ស្អាតណាស់ ភ្នែកមុត ច្រមុះស្រួច និងមួយចំណុចទៀតនោះគឺ...
ស៊ីហៀង
- 500

ភ្នំពេញ៖ មានបងប្អូនជាច្រើន ប្រាកដជាបានស្គាល់ហើយ ពីវត្តមានរបស់ប្អូនស្រី យ៉ង់ ស្រីនីត ដែលជាក្មេងស្រី​ ដ៏ស្រស់ស្អាត និងគួរឲ្យស្រលាញ់ ព្រោះតែសម្រស់របស់ប្អូនស្រី ពិតជាស្រស់ស្អាត ស្រអែមស្រស់ និងការនិយាយរបស់គាត់ ចេះគួរសម ដឹងចាស់ ដឹងទុំ ទោះបីជាជាក្មេងទើបតែវ័យ១១ឆ្នាំក៏ពិតមែន។

ដោយឡែកបន្ទាប់ពីបានមកដល់ភ្នំពេញ ភ្លាម ប្អូនស្រី យ៉ង់ ស្រីនីត ត្រូវបានលោកពាក់មី ហៅទៅថត និងមានស្ថានីយ៍ទូរទស្សន៍ និងសំអាងផងដែរ ដែលបានអញ្ជើញប្អូនស្រី ទៅថតជូនពួកគាត់។ ភ្លាមនោះ កុមារីរូបនេះ ក៏បានជួបជាមួយប្អូនស្រី វ៉ាន់ នីឡា តារាកំប្លែង វ័យក្មេង ដែលត្រូវជាកូនស្រី​របស់លោកតា វ៉ិចទ័រ​ ។

គ្រាន់តែបានជួបប្អូនស្រីនីត ភ្លាម វ៉ាន់ នីឡា ពិតជាមានការកោតសរសើរនិងប្អូនស្រីជាខ្លាំង ព្រោះតែការគោរព ការដឹងគ្រប់បែបយ៉ាង​ ទាំងសំដី សំដៅរបស់ប្អូនស្រី ពិតជាគួរឲ្យស្រលាញ់ខ្លាំងណាស់។ ជាមួយគ្នានោះផងដែរ វ៉ាន់ នីឡា បានបង្ហោះសារយ៉ាងខ្លីសរសើរប្អូនស្រីថា "បានជួបហើយ គួរអោយស្រឡាញ់ណាស់អូនស្រី "។ ភ្នែកមុត ច្រមុះស្រួច សម្បុរ Brown skin ស្អាតណាស់ ជូនពរអូន សំណាងល្អ "។