ចាំមើលស្អាតហើយ ! Rose ដែលធ្លាប់តែប្រកែកស្តែងៗថា មិនបានកែសម្ភស្ស ស្រាប់តែពេលនេះបង្ហាញរូបភាពវះកាត់កែសម្ភស្ស និងនិយាយថាអូន....

ភ្នំពេញ ៖ ប្រិយមិត្តច្បាស់ជាបានជ្រាបហើយកាលពីពេលថ្មីៗនេះ គេសង្កេតឃើញថាតារាសម្តែង Rose ហាក់បីទទួលបានការចាប់អារម្មណ៍ខ្លាំងពីសំណាក់មហាជនជាច្រើននៅលើបណ្តាញសង្គមហ្វេសប៊ុក ក្រោយពេល Rose បានពោលពាក្យទៅកាន់អ្នកមីងម្នាក់ថា « ស្គាល់ក្រដាស១០ ក្រដាស២០ អត់មីង » ហើយក៏គេចាត់ទុកថា ជាតារាដែលចូលចិត្តសម្តែងឈុតឆាកក្តៅសាច់ និងរោលរាល មិនថានៅក្នុងសាច់រឿង ឬមួយក៏ MV នៅក្នុងបទចម្រៀងជាដើម ។ ។

ងាកមកមើល Rose វិញ ឃើញថាស្រស់ស្អាតប្លែកមួយបែប ដោយមានទម្រង់មុខពងក្រពើ ថ្គាមខ្លា និងភ្នែកធំៗដូចកូនក្រមុំតុក្កតាជ័រ និងដើមទ្រូងដ៏ទ្រលុកទ្រលន់គួរឲ្យទាក់ទាញ។ ប៉ុន្តែ ទាស់ត្រង់ថា ទម្រង់ប្រឡង់ភ្នែករបស់នាងហាក់ខូងជ្រៅបន្តិច ដែលមើលទៅស្រទន់ស្លក់ស្ទើរគ្រប់ពេល ប្រៀបដូចជាមនុស្សគេងមិនគ្រប់ ព្រោះតែពិបាកចិត្តនឹងរឿងគេចាំតែចាប់កំហុស ឬយ៉ាងណានោះទេ។

ទាក់ទងនឹងបញ្ហានេះផងដែរ Rose ក៏ធ្លាប់បានធ្វើការបកស្រាយថា បងប្អូន សាច់ញាតិគ្រួសារ និយាយរួមពូជពង្សរបស់នាងគឺសុទ្ធតែមានទម្រង់ភ្នែកបែបនេះទាំងអស់គ្នាហ្នឹង មិនមែនភ្នែកខូងជ្រៅដោយសារគេងមិនគ្រប់គ្រាន់នោះទេ។

ក្រោយពីបានកត់សម្គាល់ឃើញថា សម្ផស្សរបស់ Rose នៅខ្វះត្រង់ចំណុចនេះ ថ្មីៗនេះ ម្ចាស់ហាងកែសម្ផស្សមួយ បានប្រកាសស្វែងរក Rose ដើម្បីកែទម្រង់ភ្នែករបស់នាងឲ្យកាន់តែស្រស់ស្អាតទាក់ទាញ ដោយឥតគិតថ្លៃ។

មិនយូរប៉ុន្មាន យោងតាមគណនីហ្វេសប៊ុករបស់ កញ្ញា Rose បានបង្ហោះរូបភាព អមជាមួយនឹងពាក្យពេជ្រន៍ដ៏មានន័យមួយ ដែលប្រិយមិត្តជាច្រើន កញ្ញា Rose ប្រហែលជាមិនកែសម្ភស្សទេ តែចុងក្រោយ នៅមុននេះបន្តិច Rose បានបង្ហោះសារថា “ វះកាត់តចង្ការ នឹងធ្វើច្រមុះបាន២ថ្ងៃហើយសូមពាក្យជូនពរម្នាក់មួយមកហ្វេនហ្វេន នឹកអ្នកទាំងអស់គ្នា”៕