ភ្នំពេញ៖ តារាសម្តែងប្រុសដ៏មានប្រជាប្រិយភាព និងទទួលបានការគាំទ្រយ៉ាងខ្លាំងពីសំណាក់មហាជន លោក ជុំ ស៊ីថា ពិតជាមានអារម្មណ៍រំភើប គ្រប់ពេលដែលរូបលោកបានបង្ហោះរូបភាពជាច្រើន លើបណ្តាញសង្គមហ្វេសប៊ុក ព្រមជាមួយភរិយាសំណព្វចិត្តរបស់លោក ក្រោយចាប់ដៃគ្នាសាងគ្រួសារមួយដ៏មានសុភមង្គល រស់នៅយ៉ាងមានក្តីសុខ អមជាមួយរូបភាពផ្អែមល្អែមជាមួយគ្នា។

ជាក់ស្តែងកាលពីប៉ុន្មានម៉ោងមុននេះ តារាសម្តែងប្រុសរូបនេះ ក៏បានបង្ហោះរូបភាពសមាជិកថ្មី ខណៈពេលដែលភរិយាជាទីស្រលាញ់របស់លោកទើបតែសម្រាលបានកូនភ្លោះ៣នាក់ យ៉ាងជោគជ័យ និងមានសុខភាពល្អ ។ កូនភ្លោះទាំងបីនាក់របស់លោកពិតជាគួរឲ្យស្រលាញ់ ខ្លាំងណាស់ មុខមាត់ គួរឲ្យគ្រឺតថែមទៀតផង។

ជាមួយគ្នានោះផងដែរ ក៏មានហ្វេនៗជាច្រើនតាមបណ្តាញសង្គមហ្វេសប៊ុក បានសម្តែងការត្រេកអរ និងអបអរសាទរ ចំពោះដំណឹងល្អមួយនេះ ថែមទាំងសូមឲ្យអ្នកម្តាយ និងកូនភ្លោះទាំងបីនាក់ មានសុខភាពល្អ សំណាងល្អ ៕