ក្រោយបាត់មុខពីវិស័យសិល្បៈជាច្រើនឆ្នាំ ស្រាប់តែកាលពីប៉ុន្មានម៉ោងមុននេះ លោក ចាន់​ សម័យ ដែលគ្រប់គ្នាបានស្គាល់ និងគាំទ្រយ៉ាងភ្លុកទឹកភ្លុកដី តាមរយៈបទចម្រៀងមួយបទ មានចំណងជើង" មិនស្រលាញ់អូនមិនបាន" ក៏បានបង្ហោះសារជាការដាស់តឿនដល់បងប្អូនអ្នកលេងបណ្តាញសង្គមហ្វេសប៊ុក សូមបញ្ឈប់ការប្រើប្រាស់ពាក្យអស់ទាំងនេះទៀតទៅ ព្រោះថាការប្រើប្រាស់ពាក្យទាំងនេះ ហាក់ដូចជាមិនផ្តល់តំលៃដល់ខ្លួនឯងដែរ។

នៅលើបណ្តាញសង្គមហ្វេសប៊ុករបស់ លោក ចាន់ សម័យ បានបង្ហោះសារថា​ "សូមអ្នកលេងហ្វេសបុកទាំងឡាយ ឈប់ប្រេីពាក្យ អាញ់ ហ្អែង ង៉ែង ហង ពាក្យនេះគឺជាពាក្យមិនផ្ដល់តំលៃអោយខ្លួនឯង នឹងចង្រៃអាប់រាសីដល់ខ្លួនឯងណាស់ សូមឈប់ទៅណប់ៗដែលធ្លាប់ប្រេីពាក្យទាំងនេះ!"។

ក្រោយពីបានឃើញការបង្ហោះសាររបស់លោក ចាន់ សម័យ ភ្លាមនោះ ស្រាប់តែលោកគ្រូ ដួង សុខគា ដែលជាតារាពហុជំនាញ បានចូលមកបង្ហាញការគាំទ្រយ៉ាងពេញទំហឹងថា​ "គាំទ្រពេញទំហឹង"៕