ហ្វេសប៊ុក ៖ យោងតាមការបង្ហោះរបស់ផេក សិល្បករកម្ពុជា និង សង្គម Cambodia artists and society បានបង្ហោះជូនដំណឹងឲ្យមហាជនបានជ្រាបដូច្នេះថា ៖ «RIP លោកតា សាឡាត់​ វរសិល្បករអាយ៉ៃជេីងចាស់នៃកម្ពុជា​បានទទួលមរណភាពមុននេះបន្តិច

ដំណឹងដ៏គួរអោយសោកស្តាយក្រៃលែង​ដែលបានទទួលព័ត៍មានមក​ថា​ លោកព្រឹទ្ធាចារ្យ​ ម៉ក់​ កាណេន​ ហៅលោកតា​ សាឡាត់​ សិល្បករផ្នែកអាយ៉ៃដ៏ល្បីល្បាញមួយរូបនៃកម្ពុជាបានទទួលមរណភាពនៅព្រឹកថ្ងៃទី១៨​ ខែមិថុនា​ ឆ្នាំ២០២១នេះ​ ដោយរោគាពាធ​ ក្នុងជន្មាយុ៧៤ឆ្នាំ​នាគេហដ្ឋានរបស់លោក​ ក្នុងរាជធានីភ្នំពេញ។

នេះជាដំណឹងដ៏សែនសោកស្តាយក្រៃលែងនៃការបាត់បង់ធនធានមនុស្សដ៏សំខាន់មួយរូបទៀតហេីយលេីផ្នែកសិល្បៈអាយ៉ៃ។ លោកព្រឹទ្ធាចារ្យ​សាឡាត់​ បានបំរេីវិស័យសិល្បៈតាំងពីសម័យសង្គមរាស្រ្តនិយម​ រហូតដល់បច្ចុប្បន្ន​។

ផេកសិល្បករកម្ពុជាទាំងមូលសូមឧទ្ទិសដល់វិញ្ញាណក្ខន្ធលោកព្រឹទ្ធាចារ្យអញ្ជេីញទៅកាន់សុគតិភាពកុំបីឃ្លាងឃ្លាតឡេីយ។ ដោយក្តីចូលរួមរំលែកទុក្ខអំពីខ្ញុំបាទ អុឹម ជីវ៉ា »៕