កម្សាន្ត ៖ ពិតណាស់ជឿថាប្រិយមិត្តពិតជាបានស្គាល់ជាមិនខានពីតារាស្រីម្នាក់ឈ្មោះ ហ្វីយ៉ាតា ដែលនាងគឺជាអតីត Freshie Girl ចំណាត់ថ្នាក់លេខ២មួយរូបដែល មានទេពកោសល្យទៅលើវិស័យសិល្បៈ មិនថាច្រៀង មិនថារាំឡើយ កញ្ញាអាចធ្វើទាំងអស់មិនខុសពីតារាដែលមានបទពិសោធន៍មួយចំនួននោះឡើយ។

ជាការពិតណាស់ មិនត្រឹមតែសមត្ថភាពនោះដែលតារាស្រីរូបនេះមាននោះទេ ក្រៅពីនេះទៀតកញ្ញាក៏មានរូបសម្បត្តិស្អាតស្រាប់មកពី ធម្មជាតិទៀតផង ដែលកន្លងមកទស្សនិកជននិង អ្នកគាំទ្របានធ្លាប់ឃើញសម្រស់កញ្ញាតាមរយៈការបង្ហោះរូបភាពជាច្រើននៅក្នុងបណ្តាញសង្គមមកហើយ។

ជាក់ស្តែងនៅកាលពីពេលថ្មីៗនេះនាងបានធ្វើឲ្យហ្វេនៗមានការភ្ញាក់ផ្អើលសារជាថ្មីបន្ទាប់ពីនាងបានបង្ហោះរូបភាពជាច្រើនសន្លឹកជាមួយនិងតារាចម្រៀងប្រុសលោក ហេង ពិទូ ដែលកាលពីកន្លងទៅធ្លាប់ជាអតីតមិត្តប្រុសរបស់អ្នកនាង ហ្វីយ៉ាតា ផងដែរ មិនត្រឹមតែបង្ហោះរូបភាពទេ អ្នកនាង ហ្វីយ៉ាតា ក៏បានបង្ហោះសំណេរបែបនេះភ្ជាប់មកជាមួយនិងរូបភាពផងដែរថា៖ 

«ស្ងាត់ៗ ពួកម៉ាកជិតស្និទ្ធហៅហូបបាយ... មិនមកមិនកើតបើពួកម៉ាកដែលជិតស្និទ្ធខ្លាំងមានតែមួយនិង Heng Pitu Aroma  កុំបារម្ភរឿងអត់បទ sad ពួកយើងកំពុងតែ process វាហើយ. កុំភ័យមើល ដឹងតែបាន sad ហើយ.. ត្រៀមតែទឹកភ្នែកទៅ » ៕