ហ្វេសប៊ុក ៖ ថ្មីៗនេះពិតជាបានការភ្ញាក់ផ្អើលយ៉ាងខ្លាំងនៅលើបណ្តាញសង្គមហ្វេសប៊ុកក្រោយតារា Tik Tok ម៉ាក់ល័ក្ខ បានទម្លាយថាខ្លួនត្រូវតារាសម្តែងស្រី កញ្ញា អាណារ៉ូស បានល្បួងនាងឲ្យទៅជួបអ្នកធំ អ្នកឧកញ៉ា នៅក្នុងគោលបំណងមិនល្អ ក្រោយជួបរឿងបែបនេះហើយ តារាសម្តែង ម៉ាក់ ល័ក្ខ បានត្រឹមបង្ហោះសំណេរយ៉ាងដូច្នេះថា ៖

 «ខ្ញុំព្យាយាមទ្រាំណាស់ ដើម្បីកិត្តិយស និងតម្លៃរបស់ខ្ញុំ ព្រោះមិនធ្លាប់មានបញ្ហាជាមួយអ្នកណាទេតែបុគ្គលឈ្មោះ An Na Roseគាត់ព្យាយាមវ៉ៃប្រហារនាងខ្ញុំ ដោយសារខ្ញុំបដិសេធនឹងគាត់ មិនទៅជួបឧកញ៉ា អ្នកធំ តាមការល្បួងរបស់គាត់ ខ្ញុំក៏មានតម្លៃខ្លួនឯងដែរ ខ្ញុំក៏មានកិត្តិយសដែរ ហេតុអីមើលងាយខ្ញុំម្ល៉េះ ពិតជាតូចចិត្តណាស់  នេះហើយគឺជាមូលហេតុដែរគេតែងតែម៉ាក់ងាយពីជីវភាពរបស់ខ្ញុំដោយសារតែខ្ញុំបានបដិសេធចំពោះសំណើររបស់គេដែរអោយខ្ញុំទៅជួបជាមួយអ្នកធំ ខ្ញុំមិនព្រមទៅ។

តែយ៉ាងណាខ្ញុំមិននិយាយអីច្រើនទេ តែបុគ្គលឈ្មោះ An Na Rose បែរជាគុំកួនខ្ញុំ តាមវាយប្រហារ ជាន់ឈ្លីកិត្តិយសខ្ញុំ ឱ្យខ្ញុំទ្រាំដល់ពេលណា??? បើគាត់នៅតែតាមធ្វើបាបខ្ញុំបែបនេះ មានតែរកជំនួយតាមផ្លូវច្បាប់ទេ កុំយកកិត្តិយសនារីគ្រប់រូប មកលេងសើចបែបនេះ »។ 

ជាមួយគ្នានេះដែរ ម៉ាក់ ល័ក្ខ ក៏បានបន្ថែមទៀតថា ៖« នាងខ្ញុំសុំទោសបងប្អូន ពូមីង យាយតាទាំងអស់ ពិតជាសុំទោសមែន នាងខ្ញុំមិនចង់បង្ហាញទេ ព្រោះបានប្រកែករួចទៅហើយ ក៏គិតថាចប់រឿង តែគាត់បែជាខឹងខ្ញុំ វាយប្រហារខ្ញុំ ថាខ្ញុំស្រីអកកាដង់ ខ្ញុំក៏មិនតបតរដែរ គិតថាសុខចិត្តស្ងប់សុខ។ តែគាត់នៅបង្ហោះបន្តបន្ទាប់ ជាន់ឈ្លីកិត្តិយសខ្ញុំ ឈានដល់មើលងាយមនុស្សក្បែរខ្ញុំ គិតថាខ្ញុំជាមនុស្សផ្ដេសផ្ដាស តើឱ្យខ្ញុំទ្រាំដល់ណា ខ្ញុំម្នាក់ឯង ជាក្មេងស្រីម្នាក់ធម្មតាប៉ុណ្ណោះ សុំកុំយកខ្ញុំជាសត្រូវ ព្រោះខ្ញុំគ្មានអ្វីតបតរក្រៅពីវិធីនេះទេ សុំទោស!» ៕ សូមទស្សនាវិដេអូខាងក្រោមនេះទាំងអស់គ្នា ៖