អានហើយឈឺចាប់! កែវ សុខង៉ន បញ្ចេញមតិរិះគន់ចំៗទៅលើលោកគ្រូ Honda ថា គ្មានគុណភាពអាចដឹកនាំជម្រើសជាតិបានជោគជ័យទេ…

ភ្នំពេញ៖ លោក កែវ សុខង៉ន អ្នកចាត់ការទូទៅក្រុមភ្នំពេញក្រោន បានអះអាងថា ក្នុងបាល់ទាត់សម័យទំនើបបច្ចុប្បន្ន ការហ្វឹកហាត់លើទីលានតែមួយមុខ ពុំគ្រប់គ្រាន់នោះទេ ពោលគឺត្រូវពង្រឹងការហ្វឹកហាត់កាយសម្បទាបន្ថែម ដើម្បីជំរុញការប្រកួតប្រជែងឲ្យកាន់តែមានប្រសិទ្ធភាព និងចៀសវាងការងាយរងរបួសផ្សេងៗ។ តាមរយៈនេះលោកបានជំរុញកូនក្រុមរបស់ខ្លួន ត្រូវធ្វើការងារខ្លាំង ដើម្បីត្រៀមរដូវកាលថ្មីខាងមុខ។

យ៉ាងណាមិញ លោក កែវ សុខង៉ន អតីតខ្សែប្រយុទ្ធល្បីល្បាញរបស់កម្ពុជា និង បច្ចុប្បន្នជាអ្នកចាត់ការក្រុម ភ្នំពេញក្រោនបានបញ្ចេញមតិតិះគន់ចំៗ ទៅលើលោក Honda ថា : លោក Honda ជាគ្រូអនឡាញ គ្មានគុណភាពអាចដឹកនាំជម្រើសជាតិបានជោគជ័យទេ ព្រោះគាត់គ្មានវេលាគ្រប់គ្រាន់ មកដឹកនាំផ្ទាល់ ។ គាត់ជាកីឡាករអាជីពដែរ ដូចនេះគ្មានពេលគិតគូរក្រុមជម្រើសជាតិទេ ហើយការមកដឹកនាំពេលប្រកួតរយៈពេលខ្លី គឺមិនអាចទៅរួចនោះទេ គឺគ្មានគុណភាព

លោក Honda មកដឹកនាំ Free មែនតែនេះក៏ដោយសារកេរ្តិ៍ឈ្មោះរបស់គាត់ដែរ ។ គាត់លះបង់ស្អីគេ? បើលះបង់ពិតមែន គាត់សុខចិត្តឈប់លេងបាល់ ហើយមករស់នៅកម្ពុជាដើម្បី តាមដាន នៅដឹកនាំជាមួយជម្រើសជាតិកម្ពុជា ទើបហៅថាលះបង់ហើយទទួលបានជោគជ័យ។ ហើយបើថាលោកចង់បានប្រាក់ខែ ចាំរៃលុយពីប្រជាជនកម្ពុជា ម្នាក់១ដុល្លារ អោយជាប្រាក់ខែក៏បាន

ពេលការប្រកួតក្នុងលីគ គ្មានឃើញគ្រូ Honda មកមើលទេ ឃើញតែ Suzuki , Isuzu ... មានតែគ្រូខ្មែរៗ ជាអ្នកទៅតាមដានកីឡាករ ជ្រើសរើសកីឡាករ ។ ជិតដល់ថ្ងៃប្រកួតមកដល់ ពេលប្រកួតឈរ ៩០នាទី មានន័យអ្វី ?

នេះជាអ្វីដែលលោក កែវ សុខង៉ន បាននិយាយក្នុងការ Live យប់មិញ ប៉ុន្តែគាត់ក៏និយាយដែរថានេះគ្រាន់តែជាការរិះគន់ស្ថាបនាដើម្បីចង់ឲ្យបាល់ទាត់កម្ពុជាយើងរីកចម្រើន ព្រោះលោកឈឺចាប់ច្រើនលើកច្រើនសារពិសេសការចាញ់របស់កម្ពុជានៅពានរង្វាន់ Suzuki Cup ប្រទេស សិង្ហបុរី និង ពាន AFF U23 CHAMPIONSHIP នៅទឹកដីខ្លួនឯងនេះ។