បងប្អូនមហាជនប្រាកដជាបានស្គាល់រួចមកហើយពីវត្តមានរបស់ ម្ចាស់ក្រុមហ៊ុន សម្រស់ធម្មជាតិ បងស្រី ស៊ុន្ទរី នួន ហៅ ស្រីអូន ដែលជាបុគ្គលជោគជ័យម្នាក់នៅក្នុងវិស័យអនឡាញ និង មុខជំនួញផ្សេងៗ ។ សមិទ្ធផលគ្រប់បែបយ៉ាង គឺបងស្រី អូន បានខំប្រឹង អស់ពីកំលាំងកាយចិត្ត នៅក្នុងការសាងវាឡើង ទម្រាំមានថ្ងៃនេះ ។
បើងាកមកមើលពីជីវិតឯកជនរបស់បងស្រីអូន និងស្វាមី វិញ ពិតជាគ្រួសារមួយដែលមានភាពកក់ក្តៅ និងមានតែស្នាមញញឹម ដោយសារមានស្វាមីល្អ កូនគួរឲ្យក្នាញ់ និង មិត្តភក្តិបងប្អូនល្អ ចេះជួយគ្នាទៅវិញទៅមក ហើយថែមទាំង បានផ្តល់នូវកំលាំងចិត្ត លើកទឹកចិត្តពេលជួបបញ្ហាម្តងៗ។
ជាក់ស្តែងនៅថ្ងៃទី ១៥ ខែ ឧសភា ឆ្នាំ២០២២នេះ បងស្រី អូន បានបង្ហាញអំពីដំណឹងល្អ ដោយអ្នកនាង កំពុងតែមានកូនទី២ហើយ ។ អ្នកនាង បានបង្ហោះសារថា"ស្រីតូចមានប្អូនហេីយ សង្ឃឹមចង្ការវី មាត់បេះដូងដូចគ្នាតែមុខដូចម៉ែវិញណាកូនកុំអោយម៉ែពពោះ 9ខែ 10ថ្ងៃមុខឪទាំងអស់ចឹងពេក ម៉ាក់ៗណាខ្លះចឹងដែរ? សំខាន់កូនស្រីតាមឪជាងម៉ែទៀត ធីមកូនមុខកាត់ទៅប៉ាទាំងអស់"។ ជាមួយគ្នានោះផងដែរ ក៏មានបងប្អូនជាច្រើនបានសម្តែងការត្រេកអរ និងរំភើប ពេលបានលឺដំណឹងល្អមួយនេះ៕
