លោក Anutin Charnvirakul រដ្ឋមន្ត្រី​ក្រសួង​សុខាភិបាល​សាធារណៈ​បាន​បញ្ជាក់​ថា គ្មាន​ផែនការ​ដែល​ប្រទេស​ថៃ​ក្នុង​ការ​ស្វែងរក​អ្នក​ជំងឺ​ស្វា​នី​ហ្សេ​រី​យ៉ាដែលបានរកឃើញនៅប្រទេស​កម្ពុជា មកប្រទេសថៃវិញនោះឡើយ​ ។ លោក Anutin មាន​ប្រសាសន៍​កាលពី​ថ្ងៃ​អាទិត្យ​ថា លោក​រំពឹង​ថា​អ្នកជំងឺ​នឹង​ទទួល​ការ​ព្យាបាល​នៅ​កម្ពុជា។ គាត់បាននិយាយថា "វាជាការល្អដែលឃើញគាត់ព្យាបាលនៅទីនោះ" ដោយបន្ថែមថាបុរសរូបនោះនឹងមានស្ថានភាពប្រសើរឡើងឆាប់ៗផងដែរ។

ជនជាតិនីហ្សេរីយ៉ាអាយុ 27 ឆ្នាំដែលឈ្មោះ Osmond Chihazirim Nzerem អាយុ 27 ឆ្នាំ បន្ទាប់ពីការធ្វើតេស្តមន្ទីរពិសោធន៍ចំនួនពីរដង កាលពីថ្ងៃចន្ទ និងថ្ងៃអង្គារ ដោយបង្ហាញថាគាត់មានករណីជំងឺអ៊ុតស្វា (Monkey Pox) ដែលត្រូវបានបញ្ជាក់ជាលើកដំបូងរបស់ប្រទេសថៃ ដោយក្នុងនោះត្រូវាបានអាជ្ងាធរថៃធ្វើការឃុំឃាំង ប៉ុន្ដែត្រូវបុរសរូបនោះលួចរត់ចេញ រហូតចូលមកដល់ទឹកដីនៃព្រះរាជាណាចក្រកម្ពុជា។

បុរសរូបនោះត្រូវបានគេដាក់ឱ្យនៅដាច់ដោយឡែកនៅក្នងខុនដូរបស់គាត់នៅឆ្នេរ Patong ក្នុងស្រុក Kathu នៃខេត្ត Phuket កាលពីថ្ងៃច័ន្ទ នៅពេលដែលបុគ្គលិកសុខាភិបាលបានទៅយកគាត់ទៅមន្ទីរពេទ្យ Vachira Phuket ដើម្បីធ្វើការព្យាបាលបន្ទាប់ពីលទ្ធផលតេស្តដំបូង ប៉ុន្ដែរកមិនឃើញ ដោយបានរត់គេចខ្លួនបាត់នៅពេលនោះ។ ជាងនេះផងដែរ បុរសនីហ្សេរីយ៉ា រូបនោះ ​ឆ្លង​ព្រំដែនពី​ខេត្ត​ស្រះកែវ​មក​កម្ពុជា​កាល​ពី​ថ្ងៃ​សុក្រ ហើយ​ត្រូវ​បាន ​ចាប់​ខ្លួន​នៅ​ក្នុងខណ្ឌដូនពេញ ​ក្នុង​រាជធានី​ភ្នំពេញ ​កាល​ពី​ថ្ងៃ​សៅរ៍។

កាសែត ខ្មែរថាមស៍ កាលពីថ្ងៃអាទិត្យ បាននិយាយថា អាជ្ញាធរកម្ពុជាបានជំរុញឱ្យប្រជាពលរដ្ឋដែលទាក់ទងដោយផ្ទាល់ជាមួយគាត់ ឱ្យ ធ្វើដាច់ដោយឡែកពី គេ ដើម្បីការពារការរីករាលដាលនៃជំងឺអុតស្វានៅក្នុងគ្រួសារ។ ពួកគេគួរតែទាក់ទងអាជ្ញាធរភ្លាមៗ ប្រសិនបើពួកគេបង្ហាញរោគសញ្ញា។

នៅទីក្រុងភូកេត ប្រធានសុខាភិបាលសាធារណៈខេត្ត លោកវេជ្ជបណ្ឌិត Kusak Kukiatkul បាននិយាយថា មនុស្ស 19 នាក់ត្រូវបានចាត់ទុកថាជាក្រុមដែលមានហានិភ័យខ្ពស់ដោយសារតែទំនាក់ទំនងជិតស្និទ្ធរបស់ពួកគេជាមួយបុរសដែលជាអ្នកជំងឺខាងលើ។

ប្រភព៖ បាងកកបុស្ដិ៍