នៅក្នុងថ្ងៃទី ៣០ ខែកក្កដា ឆ្នាំ ២០២២ ក្រោយពីមានការបង្ហោះនូវវីដេអូអំពីអ្នកគ្រូស្រីម្នាក់កំពុងធ្វើការបង្រៀនកូនសិស្សថ្នាក់បឋមសិក្សា កំពុងតែទទួលបានការកោតសរសើរនិងមានការចាប់អារម្មណ៍យ៉ាងខ្លាំងអំពីវិធីសាស្ដ្រ ដែលអ្នកគ្រូរូបនោះបានធ្វើការបង្រៀនទៅដល់កូនសិស្សនៅក្នុងសាលារដ្ឋមួយកន្លែង។
នេះបើយោងតាមការបង្ហោះផ្ទាល់របស់អ្នកគ្រូស្រីរូបនោះ ដែលមានគណនីឈ្មោះថា ចេង ស្រីស្រស់ បានធ្វើការបង្ហោះនូវវីដេអូរបស់អ្នកគ្រូ កំពុងតែធ្វើការបង្រៀនសិស្ស ថ្នាក់ទី ១ នៃសាលាបឋមសិក្សា ព្រៃស្ពឺ ដែលមានទីតាំងស្ថិតនៅខណ្ឌពោធិ៍សែនជ័យ រាជធានីភ្នំពេញ។ ជាងនេះអ្នកគ្រូក៏មានទទួលបង្រៀនសិស្សនៅតាមផ្ទះផងដែរ ដែលអាចទំនាក់ទំនងតាមរយះលេខទូរស័ព្ទ
098 955811 ។
នៅក្នុងការបង្ហោះនោះដែរ អ្នកគ្រូស្រីដ៏ស្រស់ស្អាតរូបនេះ បានធ្វើការរៀបរាប់នៅលើវីដេអូនៃការបង្រៀនមួយនោះថា ខ្ញុំរីករាយនឹងចែករំលែកនូវអ្វីដែលខ្ញុំមានទៅអ្នកទាំងអស់គ្នាដោយក្តីស្រលាញ់ សុំទោសនូវរាល់ចំណុចខ្វះខាត ក៏អរគុណដែលផ្តល់កម្លាំងចិត្ត #យកបេះដូងមកធ្វើ។
ក្រោយពីឃើញដូចនោះ មហាជនបាននាំគ្នាសរសើរជាខ្លាំងចំពោះអ្នកគ្រូដ៏ស្រស់ស្អាតមួយនេះ ថាអ្នកគ្រូពិតជាធនធានមនុស្សដ៏ល្អនិងសាកសមបំផុតនៅក្នុងការបណ្ដុះបណ្ដាលធនធានមនុស្ស អ្នកខ្លះទៀតក៏បានធ្វើការពោលសរសើថាអក្សរដែលអ្នកគ្រូបានសរសេរនៅលើក្ដារខៀនពិតជាមានភាពស្រស់ស្អាតជាខ្លាំងផងដែរ។ល។
សូមទស្សនាវីដេអូខាងក្រោម៖
