ភ្លាមៗបន្ទាប់ពីការមកដល់របស់ Pelosi ប្រទេសចិន បានប្រកាសអំពីប្រតិបត្តិការយោធា និងសមយុទ្ធ ជាបន្តបន្ទាប់ ដែលធ្វើតាមការសន្យារបស់ខ្លួនអំពី "វិធានការណ៍ម៉ឺងម៉ាត់ និងរឹងមាំ" ប្រសិនបើអ្នកស្រី  Pelosi ធ្វើដំណើរទស្សនកិច្ចរបស់អ្នកស្រី ចូលមកកាន់កោះតៃវ៉ាន់ ។

កងទ័ពរំដោះប្រជាជនចិនបាននិយាយថា សមយុទ្ធនឹងធ្វើឡើងនៅក្នុងដែនទឹក និងផ្ទៃអាកាសក្បែរកោះតៃវ៉ាន់ ហើយរួមបញ្ចូលការបាញ់គ្រាប់រំសេវរយៈចម្ងាយឆ្ងាយនៅក្នុងច្រកសមុទ្រតៃវ៉ាន់។

សារព័ត៌មានស៊ីនហួរផ្លូវការរបស់ប្រទេសចិនបាននិយាយថា កងទ័ពគ្រោងនឹងធ្វើសមយុទ្ធបាញ់គ្រាប់ពិតពីថ្ងៃព្រហស្បតិ៍ដល់ថ្ងៃអាទិត្យនៅទូទាំងទីតាំងជាច្រើន។ រូបភាពដែលចេញផ្សាយដោយទីភ្នាក់ងារសារព័ត៌មាន បានបង្ហាញថា សមយុទ្ធនឹងធ្វើឡើងនៅក្នុងតំបន់ចំនួនប្រាំមួយផ្សេងគ្នានៅក្នុងដែនទឹកជុំវិញកោះតៃវ៉ាន់។

ក្រសួងការពារជាតិតៃវ៉ាន់បាននិយាយនៅព្រឹកថ្ងៃពុធនេះថា ប្រទេសចិនបាន បញ្ជូនយន្តហោះចំនួន 21 គ្រឿងដែលហោះហើរឆ្ពោះទៅកាន់កោះតៃវ៉ាន់ ក្នុងនោះមានយន្តហោះចម្បាំងចំនួន 18 គ្រឿង។ អ្វី​ដែល​នៅ​សល់​រួម​មាន​យន្តហោះ​ឈ្លបយកការ និង​យន្តហោះ​ចម្បាំងគ្មានមនុស្សបើកជាដើម។

Sources: CNA