ក្រោយក្លាយទៅជាម្ចាស់ពានរង្វាន់ Cambodian Idol រដូវកាលទី ៤ បេក្ខជន លីម តិចម៉េង បានបង្ហាញពីការដឹងគុណដល់រៀមច្បងម្នាក់ដែលបានជួយជ្រោមជ្រែងខ្លួនឲ្យទទួលបានជោគជ័យដូចសព្វថ្ងៃនេះ ។ 

យ៉ាងណាមិញរៀមច្បងដែលតារាចម្រៀង លីម តិចម៉េង រំលឹកគុណដល់នោះគឺមានឈ្មោះថា ReNo Chhim Phi Ruk ពេលនេះគាត់បានទទួលមរណភាពអស់រយៈពេលជាច្រើនខែមកហើយដោយសារតែ ជំងឺរបេងកូនកណ្តុរ និង មានទឹកដក់ក្នុងសួត។ 

ជាមួយគ្នានេះដែរនេះជាសំណេរដែល តារាចម្រៀង លីម តិចម៉េង រៀបរាប់ទៅកាន់រៀមច្បង ReNo  «ចាំខ្ញុំបន្តិចណាបង តិចទៀតខ្ញុំនឹងទៅរកបងដល់ផ្ទះ ដើម្បីសម្តែងការអរគុណដ៏ធំធេងរបស់បង ReNo Chhim Phi Ruk។ 

គ្មានបង គ្មាន Room42 កន្លែងដែលផ្តល់បទពិសោធគ្រប់យ៉ាងក្នុងវិស័យសិល្បៈ គ្មានបងខ្ញុំមិនស្គាល់ពាក្យថាតស៊ូ គ្មានបងប្អូនគ្មានថ្ងៃនេះទេ តែគួរឱ្យស្តាយពេលនេះបែរជាគ្មានវត្តមានបងនៅ មិនមែនបងប្អូនសាច់ញាតិទេ តែនៅក្នុងចិត្តប្អូន បងគឺជាបងប្រុសបង្កើតរបស់ប្អូនជារៀងរហូត»។ 

បន្ទាប់ពីឃើញ តារាចម្រៀង លីម តិចម៉េង ធ្វើរឿងបែបនេះមានមហាជនជាច្រើនបានសម្តែងការសាទរយ៉ាងខ្លាំងនិងសរសើរ តិចម៉េង ថាពិតជាសាកសមជាម្ចាស់ពានមែន មានទាំងសមត្ថភាពហើយថែមទាំងមានអត្តចរិតល្អទៀត នេះបានហៅថាជាតារាគំរូ ៕ 

សូមទស្សនារូបភាពខាងក្រោម ៖