បើ​ទោះបី​ជា​បញ្ហា​ធុំក្លិន​មាត់​មិន​បាន​ប៉ះពាល់​ដល់​សុខភាព​ធ្ងន់ធ្ងរ​ក៏​ពិត​មែន​តែ​វា​ធ្វើឱ្យ​មនុស្ស​បាត់បង់​ទំនុកចិត្ត​ពេល​ទំនាក់ទំនង អាច​បណ្តាល​ឱ្យ​ខូច​អារម្មណ៍​អ្នកដទៃ។ បើ​ទោះ​ជា​ប្រើ​ទឹក​ខ្ពុរមាត់ ស្ករគ្រាប់​ក៏ដោយ​តែ​បញ្ហា​ធុំក្លិន​មាត់​នៅតែ​កើតឡើងប្រសិនបើយើងមិនបានស្វែងរកមូលហេតុអោយបានច្បាស់លាស់នោះទេ។

ដូចនេះ​បើ​អ្នក​ចង់​បំបាត់​ក្លិន​មាត់ សាកល្បង​រូបមន្ត​ស្លឹក​ត្របែក​ខាងក្រោម​នេះ។ ប្រើ​រួច​តែ2-3ដង​ប៉ុណ្ណោះ​ខ្យល់​ដង្ហើម​អ្នក​នឹង​ស្រស់ស្រាយ។

*គ្រឿងផ្សំ

-ស្លឹក​ត្របែក 30សន្លឹក (កុំ​យ​កស្លឹក​ចាស់​ពេក ឬ​ក៏​ខ្ចីពេក) -ទឹក 0.5លីត្រ -អំបិល 2ស្លាបព្រាបាយ

*ការណែនាំ

-ដាក់​ស្លឹក​ត្របែក​ត្រាំ​ទឹក​រយៈពេល 5នាទី​ហើយ​លាង​សម្អាត​ធាតុកខ្វក់​ចេញពី​ស្លឹក។ បន្ទាប់មក​ចាក់​ស្លឹក​ចូល​ឆ្នាំង រួច​ចាក់​ទឹក​ពីលើ រួយ​អំបិល​ពីលើ -ដុត​កម្តៅ​រហូតដល់​ពុះ និង​រម្ងាស់​រយៈពេល 10នាទី។ ទុក​វា​ចោល​ឱ្យ​ត្រជាក់ និង​ច្រក​ដាក់​ដប​រក្សាទុក​ក្នុង​ទូរទឹកកក។ទទួលទាន​ទឹក​ស្លឹក​ត្របែក​នេះ​ឱ្យ​បាន 3-4ដង​ក្នុង​មួយ​ថ្ងៃ (ក្រោយ​អាហារ មុន​ចូល​គេង និង​ក្រោយ​ពេល​ភ្ញាក់ឡើង…)។

*ចំណាំ

អ្នក​គួរ​រក្សា​ទម្លាប់​ដុស​សម្អាត​ធ្មេញ​របស់​អ្នក​ឱ្យ​បាន​ទៀងទាត់ 2ដង​ក្នុង​មួយ​ថ្ងៃ។ ស្រប​ពេល​ជាមួយគ្នា​នេះ​ដែរ អ្នក​គួរ​ផឹក​ទឹក​ឱ្យ​បាន​គ្រប់គ្រាន់​ដើម្បី​ជួយ​ឱ្យ​មាត់​មាន​សំណើម កាត់បន្ថយ​ក្លិន៕

ប្រភព៖ អ៊ាង សុផល្លែត