ក្លឹប Pahang FA បានសម្រេចចែកផ្លូវគ្នាជាមួយខ្សែប្រយុទ្ធ ចាន់ វឌ្ឍនាកា ដោយសារតែ...
ស៊ីថា
- 1071

សមាជិក​ជម្រើស​ជាតិ​កម្ពុជា និង​ជា​អតីត​កីឡាករ​បឹងកេត ចាន់ វឌ្ឍនាកា ត្រូវ​បាន​ក្លឹប​របស់​ម៉ាឡេស៊ី Pahang FA បញ្ឈប់​ហើយ បន្ទាប់​ពី​បង្ហាញ​​ខ្លួន​ជា​ច្រើន​ប្រកួត​កន្លង​មក​​ធ្វើ​ឲ្យ​គ្រូ​បង្វឹក​មិន​ពេញ​ចិត្ត​។ កាល​ពី​យប់​មិញ Pahang ពិត​ជា​បាន​​ផ្តាច់​កុងត្រា​កីឡាករ​កម្ពុជា​មែន។ លោក Dollah Salleh គ្រូ​បង្វឹក​ Pahang បាន​ប្រាប់​សារព័ត៌មាន Fox Sport Asia ថា លោក​បាន​​សម្រេច​យក​កីឡាករ Nakajima-Farran ដើម្បី​ជំនួស​ ចាន់ វឌ្ឍនាកា​សម្រាប់​តំបន់​ជួរ​មុខ។ គ្រូ​បង្វឹក​ចង់​បាន​លទ្ធផល​ឲ្យ​ល្អ​ប្រសើរ​ជាង​នេះ​ពី​កីឡាករ វឌ្ឍនាកា ប៉ុន្តែ​ការ​រក​គ្រាប់​បាល់​មិន​បាន​អាច​ជា​កត្តា​ចម្បង​ដែល​លោក​មិន​ពេញ​ចិត្ត។ រហូត​ដល់​ពេល​នេះ​នៅ​មិន​ទាន់​ដឹង​ថា កីឡាករ​កម្ពុជា​រូប​នេះនឹង​ត្រឡប់​មក​ប្រទេស​កម្ពុជា​វិញ ឬ​ស្វែង​រក​​ក្លឹប​នៅ​ក្រៅ​ប្រទេស​បន្ត​អាជីព​ឡើយ។ ដោយឡែកបន្ទាប់ពីទទួលបានដំណឹងដ៏សោកសៅនេះ លោក LEONARDO VITORINO ដែលជាអតីតអ្នកចាត់ការទូទៅ របស់ក្រុមបាល់ទាត់កម្ពុជាបាន បង្ហោះរូបមួយសន្លឹក អមដោយឃ្លាថា "Never give up of something you really want. its difficult to wait but its more difficult to regreat ! Be Strong and Go Ahead Chan Vathanaka !" ដែលមានន័យថា "កុំបោះបង់អ្វីដែលអ្នកពិតជាចង់បាន។ វាពិបាកក្នុងការរង់ចាំប៉ុន្តែពិបាកក្នុងការស្តារឡើងវិញ! ចូររឹងមាំហើយទៅមុខចាន់វឌ្ឍនាកា! " គួរបញ្ចាក់ឲ្យដឹងផងដែរថា ចាន់ វឌ្ឍនាកា បាន​បង្ហាញ​ស្ទើរ​គ្រប់​ការ​ប្រកួត​នា​ដើម​រដូវ​កាល​លីគ​កំពូល​ម៉ាឡេស៊ី​ដែល​បាន​ដំណើរ៩​សប្តាហ៍​កន្លង​ទៅ​នេះ។ ការ​ប្រកួត​៩​សប្តាហ៍​កន្លង​ទៅ Pahang FA ក៏​ធ្វើ​បាន​ល្អ​ដែរ​គឺ​ឈ្នះ​៥ ស្មើ​៣ និង​ចាញ់​​១​ដែល​កំពុង​ស្ថិត​នៅ​​ចំណាត់​ថ្នាក់​លេខ​៣៕

ប្រភព៖​ srolanhnak

Loading...