ភ្នំពេញ ៖ កាលពីរំលងអាធ្រាត្រវេលាម៉ោង ៣និង១០នាទីរំលងអាធ្រាត្រ ឈានចូលថ្ងៃទី ១៩ ខែ ឧសភាឆ្នាំ ២០១៨ រថយន្តម៉ាកព្រូសមួយគ្រឿងបានរ៉េចង្កូតទៅបុកនិងដើមក្ញោក បណ្តាលឲ្យរងរបួសធ្ងន់ម្នាក់​ និងស្រាល២នាក់ នៅត្រង់ចំណុចមុខវិទ្យាល័យជាស៊ីមសាមគ្គី តាម បណ្តោយផ្លូវ ២៧១ ស្ថិតក្នុងសង្កាត់ ស្ទឹងមានជ័យទី ១ ខណ្ឌ មានជ័យ រាជធានីភ្នំពេញ ។

ប្រភពពីកន្លែងកើតបានប្រាប់ថា រថយន្តម៉ាកព្រូសមួយគ្រឿងពណ៍ស ទើបនិងទិញថ្មីចែស បានបើកយ៉ាងលឿនរួចក៏ជ្រុលទៅបុកដើមក្ញោកយ៉ាងពេញទំហឹង ខណៈពេលនេះជនរងគ្រោះ ត្រូវបានរថយន្តដឹកយកទៅមន្ទីរពេទ្យ ដើម្បីធ្វើការជួយសង្គ្រោះ ចំណែករថយន្តរងការខូចខាតយ៉ាងដំណំ។ រថយន្តត្រូវសមត្ថកិច្ចមូលដ្ឋាន អូសយក ទៅរក្សាទុកនៅការិយាល័យ​ចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ ដើម្បីរងចាំដោះស្រាយទៅតាមនីតិវិធីច្បាប់ ៕ ដោយ៖ និស្ស័យ