បន្ទាយមានជ័យ៖ ហេតុការណ៏មួយនេះបានកើត​ឡើង​នៅ​ចំណុច​បេនឡាន​ចាស់ ស្ថិត​ក្នុងភូមិ៣ សង្កាត់​ព្រះ​ពន្លា ក្រុង​សិរីសោភ័ណ ខេត្តបន្ទាយមានជ័យ​កាលពី ថ្ងៃទី២ ខែមិថុនា ឆ្នាំ២០១៨។

ជនសង្ស័យ​ទាំង២នាក់ មាន១ឈ្មោះ​ទិ​ត្យ រ៉ា​ពី ភេទ​ប្រុស​អាយុ១៧ឆ្នាំ ២.ឈ្មោះ ហែម រតនា​ភេទ​ប្រុស​អាយុ១៥ឆ្នាំ លោក​វរសេនីយ៍​បន្តថា​នៅមុន​ពេល​កើតហេតុ​នោះ​ជនរងគ្រោះ​ឈ្មោះ​វ៉ា​ដា​រិ​ន​ស្រី​អាយុ៤៩ឆ្នាំ​រស់នៅ​ភូមិ​កន្ទួត​សង្កាត់​កំពង់ស្វាយ​ក្រុង​សិរីសោភ័ណ​ខេត្តបន្ទាយមានជ័យ​បាន​ជិះ​ម៉ូតូ​ចេញពី​ផ្សារ​ថ្មី​សំដៅ​មក​បេនឡាន។ ក្មេងស្ទាវ២នាក់​ជិះ​ម៉ូតូ​ទៅ​ផឹកស្រា​នៅផ្ទះ​មិត្តភក្តិ​ហើយ​បាន​ចេញមក​ធ្វើ​សកម្មភាព​នៅ​បេនឡាន​ចាស់​ក៏​ឆក់យក​កាបូប​បណ្តាល​ឲ្យ​ដួល​ទៅលើ​ថ្នល់ជាតិ​បណ្តាល​ឲ្យ​របួសធ្ងន់។ជនរងគ្រោះ​ត្រូវបាន​ប្រជាពលរដ្ឋ​ដឹកយក​ទៅ​សង្គ្រោះ​នៅ​មន្ទី​ពេទ្យភ្លាមៗ ចំណែក​ជនល្មើស​គេចខ្លួនបាត់។ ជនសង្ស័យ​បាន​ឆ្លើយ​សារភាពថា​ខ្លួន​ពិតជា​បាន​ឆក់​កាបូប​របស់​ជនរងគ្រោះ​នោះ​មែន ព្រោះ​ឃើញ​គាត់​តែម្នាក់ឯង ហើយ​ទំនង​ជាមាន​លុយកាក់​ច្រើន​ហើយ​មើលទៅ ។ កម្លាំង​ជំនាញ​កសាង​សំណុំរឿង​បញ្ជូនទៅ​តុលាការ​ហើយ៕ ប្រភពៈ កូន ខ្លាតូច