(តាមពិតរឿងចឹងសោះ) បង្ក្រាបគ្រឿងញៀន ប៉ះចំគ្រួសារអ្នក លក់ជ្រូកខ្វៃ នៅវាលរេញ មានគេថតបង្ហោះ ធ្វេីឲ្យមហាជនមានការយល់ច្រឡំ ....(មានវីដេអូ)

ខេត្តព្រះសីហនុ៖ កាលពីវេលាម៉ោង១៣:២០នាទី ថ្ងៃទី៤ ខែមិថុនា ឆ្នាំ២០១៨ ម្សិលមិញនេះនគរបាល ស្រុកព្រៃនប់ បានបង្ក្រាបបទល្មើសគ្រឿងញៀន មួយករណីនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ឃាត់ខ្លួនជនសង្សយ័ម្នាក់ ឈ្មោះ គា សេង ភេទប្រុស អាយុ ២១ឆ្នាំជាកូនអ្នកលក់ជ្រូកខ្វៃនៅវាលរេញ ចាប់បានថ្នាំញៀនចំនួន ២កញ្ចប់ ម៉ូតូ១គ្រឿងនិង លុយចំនួន៤៩.០០០៛ ។ ប៉ុន្តែរឿងនេះត្រូវបានគេថត ឃ្លិបវីដេអូ បង្ហោះព្រោងព្រាតធ្វេីឲ្យមហាជនមានការយល់ច្រឡំ ទៅលេីសមត្ថកិច្ច ដែលខិតខំប្រឹងប្រែងថែរក្សាសន្តិសុខសណ្តាប់ធ្នាប់ ជាអ្នកអនុវត្តច្បាប់ទៅវិញ។

លោកឧត្តមសេនីយ៍ត្រីស៊ុន សុផាត ស្នងការរងទទួលផែន ប្រឆាំងបទល្មើសបាន ឲ្យដឹងថាៈ ឈ្មោះសេង គា ជាមុខសញ្ញាប្រើប្រាស់គ្រឿងញៀនផង និងលក់ចែកចាយថ្នាំញៀន ដោយលួចលាក់ផងដែរ ដំបូងយើងប្រេីវិធានការណ៏ផ្សេងៗ ដេីម្បីឲ្យមុខសញ្ញា បញ្ចេញថ្នាំញៀន ចំនួន១កញ្ចប់ បន្ទាប់ពីមានភស្តុតាងគ្រប់គ្រាន់ហេីយ យេីងបានចាប់ឆែកឆេរ បានរកឃើញ១កញ្ចប់ទៀត។ លុះពេលចាប់ដាក់លេីម៉ូតូបំរុងនាំខ្លួន មកកាន់អធិការដ្ឋាននគរបាល ស្រុកព្រៃនប់ ស្រាប់តែឈ្មោះសេង គា លោតចុះរត់ គេចខ្លួន ពេលនោះសមត្ថកិច្ចយេីងបានចាត់វិធានការ ការពារសន្តិសុខ ដោយចាប់ដាក់ខ្នោះដៃទៅក្រោយ។ ពេលជាមួយគ្នានោះក្រុមគ្រួសារសាច់ញាតិរបស់ជនសង្ស័យបាននាំគ្នាមកទាំងហ្វូង ចោមរោមសំលុត សមត្ថកិច្ចឲ្យដោះលែងកូនរបស់គាត់ជាបន្ទាន់។

លោកវរសេនីយ៍ត្រី ឈុន រតនៈ អធិការរងនគរបាលស្រុកព្រៃនប់ បានបញ្ជាក់ថា៖ ផ្ទះអ្នកកាប់ជ្រូកនោះមានមនុស្សច្រើនណាស់ គ្រាន់តែកូនប្រុសៗមាន៧នាក់ ឈ្មោះសេង គា ពេលឃើញបងប្អូនមកជួយ ក៏ចាប់ផ្តើមរេីបំរាស់ កាន់តែខ្លាំង រហូតប៉ះទង្គិចគ្នា ប៉ុន្តែ មិនមានសមត្ថកិច្ចណាវាយដំគាត់ឡើយ។ សមាជិកក្រុមគ្រួសារអ្នកលក់ជ្រូកខ្វៃនោះ បានត្មះតិះដៀលសមត្ថកិច្ចយេីងយ៉ាងខ្លាំង ទំរាំយេីងយកមុខសញ្ញានេះមកបានដល់អធិការដ្ឋាននគរបាលស្រុកព្រៃនប់។

លុះពេលសមត្ថកិច្ចសួរនាំអំពីការប្រេីប្រាស់និងចែកចាយ ថ្នាំញៀននៅចំពោះមុខម្តាយ ទេីបម្តាយរបស់គេស្ងាត់មាត់ ឈប់តវ៉ា ដោយសុំចរចា យកកូនទៅអប់រំវិញ ប៉ុន្តែសមត្ថកិច្ច មិនអនុញ្ញាតឲ្យឡេីយ ដោយបានកសាងសំណុំរឿងតាមនីតិវិធីបញ្ជូនទៅសាលាដំបូងខេត្តដើម្បី ចាត់ការបន្ត។