អតីត ឧកញ៉ាហូ ចំរើន ក្រោយពីរត្រូវបាន ឃុំខ្លួនដាក់ពន្ធនាគារ រួចហើយ ពេលនេះអ្នកវិនិយោគ ជនជាតិចិន ចំនួន២នាក់ និងជនជាតិ កូរ៉េ១នាក់ បានដាក់ពាក្យបណ្តឹង ប្ដឹងអតីត ឧកញ៉ាហូ ចំរើន ពីបទស៊ីដាច់លុយ ជាង២០០ លានដុល្លារ អាមេរិក
វាសនា
- 594

ភ្នំពេញ​៖ អតីត ឧកញ៉ាហូ ចំរើន ក្រោយពីរត្រូវបាន ចៅក្រមសាលាដំបូង រាជធានីភ្នំពេញ សម្រេច ឃុំខ្លួនដាក់ពន្ធនាគារ ពីបទ គំរាមកំហែង​ថា​នឹងសម្លាប់ និង បទល្មើសប្រើប្រាស់អាវុធខុសច្បាប់ រួចមក ស្រាបតែ អតីត ឧកញ៉ាហូ ចំរើន រូបនេះត្រូវបាន អ្នកវិនិយោគជនជាតិចិន ចំនួន២នាក់ និង ជនជាតិ កូរ៉េ១នាក់ បានដាក់ពាក្យបណ្តឹងដាច់ដោយឡែកៗពីគ្នា ទៅ តុលាការ ដែលមានកម្មវត្ថុប្តឹងអតីត ឧកញ៉ា ហូ ចំរើន ពីបទស៊ីដាច់លុយ ជាង២០០ លានដុល្លារ អាមេរិក ។ ស៊ីដាច់លុយនេះ​គឺ​ តាមរូបភាពអភិវឌ្ឍន៍មន្ទីរពេទ្យទំនើប នៅ ទីក្រុងតាខ្មៅ និងគម្រោងអភិវឌ្ឍន៍ មួយចំនួនទៀត ។

លោក សៀង សុខ ព្រះរាជអាជ្ញារងអមសាលាដំបូង រាជធានី ភ្នំពេញ បានចេញដីកាកោះ អញ្ជើញដើមបណ្តឹងម្នាក់ ឱ្យចូលបំភ្លឺ នៅថ្ងៃទី២៥ ខែមិថុនា ខាងមុខនេះ ។ ពាក្យបណ្តឹង នេះ បានកើតឡើង ក្រោយពេលដែល អតីតឧកញ៉ា ហូ ចំរើន ត្រូវបានចៅក្រមសាលាដំបូងរាជធានីភ្នំពេញ សម្រេច ឃុំខ្លួនដាក់ពន្ធនាគារ ពីបទ គំរាមកំហែង​ថា​នឹងសម្លាប់ និង បទប្រើប្រាស់អាវុធខុសច្បាប់ ។
លោក​ហូ​ ចំរើន​ អាយុ​៣៨​ឆ្នាំ​ ជាម​ន្ត្រី​យោធា​ក្រសួងការពារជាតិ​ ថ្នាក់​ឧ​ត្ត​ម​សេនីយ៍​ឯក ​ត្រូវបាន​ព្រះមហាក្សត្រ​ តែងតាំង​ជា​ឧកញ៉ា ​នៅ​ថ្ងៃទី​១២​ ខែ​មេសា​ ឆ្នាំ​២០១៨​ និង​មាន​មុខងារ​ជាទី​ប្រឹក្សា​ថ្នាក់ដឹកនាំ​កំពូល​។​ ប៉ុន្តែ​ក្រោយពេល​ជាប់ឃុំ​នៅ​ពន្ធនាគារ​ព្រះមហាក្សត្រ​បានចេញ​ព្រះរាជក្រឹត្យ​បញ្ចប់​មុខតំណែង​ទាំងអស់​រាប់ទាំង​មុខងា​រ​ជា​ឧកញ៉ា​ផង​។​
​លោក​ហូ​ ចំរើន​ ត្រូវបាន​កម្លាំង​សមត្ថកិច្ច​ ក្រសួងមហាផ្ទៃ​ បញ្ជូនមក​សាលាដំបូង ​រាជធានី​ភ្នំពេញ​ កាលពី​រសៀល​ ថ្ងៃទី​១៦​ ខែឧសភា​ ឆ្នាំ​២០១៨​ ដើម្បី​សាកសួរ​ករណី​បាញ់បោះ​គំរាមកំហែង​ឪពុកម្ដាយ​ក្មេក ​កាលពី​ថ្ងៃទី​២១ ខែមេសា ឆ្នាំ​២០១៨ ​កន្លងទៅ​នៅ​ ភូមិ​គ្រឹះ​ស្ថិតនៅ ​ភូមិ​ព្រៃ​ស សង្កាត់​ព្រៃ​ស ខណ្ឌដង្កោ ៕

Loading...