ស្រលាញ់គ្នាណាស់...មិត្តភិក្តក្មេងរងគ្រោះដែលជាប់នៅក្នុងរូងភ្នំ អង្គុយរង់ចាំផ្លូវមិត្តភិក្តត្រឡប់មកវិញ...
ស៊ីថា
- 752

ប្រទេស​ថៃ​ ៖ ​ក្មេង​ៗ​សិស្សសាលា​រួម​ថ្នាក់​របស់​កុមារ​ថៃ​ទាំង​១២​នាក់ និង​គ្រូ​បាល់ទាត់​ពួក​គេ​ដែល​បាត់​ខ្លួន​៩​ថ្ងៃ​មក​ហើយ ក្នុង​រូងភ្នំ​ទឹក​ជន់​លិច កាលពី​ថ្ងៃ​ទី​២​ កក្កដា​ បាន​នាំ​គ្នា​អង្គុយ​រង់ចាំ​ផ្លូវ​មិត្ត​ពួក​គេ​ដែល​សង្ឃឹម ថា​រក​ឃើញ​វិល​វិញ ខណៈ​ពួក​អ្នក​ជួយ​សង្គ្រោះ​បាន​ចូល​ទៅ​កៀក​កន្លែង​ដែល​សន្មត់​ថា​អ្នក​បាត់​ខ្លួន​ទាំងនេះ​ទៅ​ជ្រក​ទីនោះ​ហើយ​។

លោក​KANET PONGSUWAN នាយក​សាលា MAE SAI PRASITSART​ជា​សាលា​របស់​កុមារ​បាត់​ខ្លួន​ទាំ​១២​នាក់ ពោល​ថា​យើង​ច្រៀង​យើង​បួងសួង​និង​ប​ញ្ចូ​ន​កម្លាំងចិត្ត​របស់​យើង​ដល់​ពួក​គេ ឲ្យ​អាច​នៅ​រស់រាន​រហូត​ដល់​ពួក​អ្នក​ជួយ​សង្គ្រោះ​រក​ឃើញ​ពួក​គេ​។ក្មេង​ប្រុស​១២​នាក់​ក្នុង​ក្រុមបាល់ទាត់​មួយ​មាន​អាយុ​ពី​១១​ទៅ​១៦​ឆ្នាំ​និង​គ្រូបង្ហាត់​បាល់ទាត់​ពួក​គេ បាន​នាំ​គ្នា​ចូល​ក្នុង​រូងភ្នំ​ថា​ម​លួង​ជាប់​ព្រំដែន​មី​យ៉ា​ន់​ម៉ា​និង​ឡាវ កាលពី​ល្ងាច​ថ្ងៃ​ទី​២៣​មិថុនា​ក្រោយ​ហាត់​បាល់ទាត់​រួច​។
​ពួក​គេ​ជាប់កុ្ន​ង​រូងភ្នំ​ដោយសារ​ភ្លឿ​ង​ធ្លាក់​ខ្លាំង​ជន់​លិច​រូង ហើយ​រហូត​មក​ទល់់​ពេល​នេះ​នៅ​ពុំ​ទាន់​មានការ​ទាក់ទង​បន្តិច​ណា​សោះ​។​ លក្ខខណ្ឌ​ឧតុនិយម​ពេល​នេះ​មានការ​កែ​លម្អ ហើយ​ពួក​អ្នក​ជួយ​សង្គ្រោះ​អាច​តាំង​មូលដ្ឋាន​ប្រតិបត្តិការ​ចូល​ជ្រៅ​ក្ន​ង​រូងភ្នំ​ដ៏​ធំ​នោះ មាន​បណ្ដាញ​ប្រវែង​ជាង​១០​គីឡូម៉ែត្រ​។នា​ព្រឹក​ថ្ងៃ​ទី​២​កក្កដា ពួក​អ្នក​ជួយ​សង្គ្រោះ​ប្រកាស​ថា បាន​ចូល​ទៅ​កៀក​តំបន់​ហៅ PATTAYA BEACH ដែល​គេ​ជឿ​ថា​ក្រុម​បាត់​ខ្លួន​ចូល​ជ្រក​នៅ​ទីនោះ ​។
​អភិបាលខេត្ត​ឈៀង​រ៉ៃ​លោក​NARONGSAK OSOTTANAKORN អះអាង​ថា​យើង​ពុះពារ​ប្រឆាំង​នឹង​ពេលវេលា​និង​ទឹក ដើម្បី​ជួយ​សង្គ្រោះ​ជីវិត​មនុស្ស​ទាំំ​ង​១៣​នាក់​។​រូងភ្នំ​ពារ​ពេញ​ដោយ​ភក់​ហើយ​ពួក​អ្នក​មុជទឹក​ត្រូវ​កាយ​ភក់​ចេញ​។អ្នក​មុជទឹក​ច្រើន​សិប​នាក់​ក្នុង​នោះ​មាន​ទាំង​ពួក​អ្នក​មុជទឹក​បរទេស មក​ពី​អូស្ត្រាលី អង់គ្លេស ជប៉ុន ចិន ព្រមទាំង​កង​ទាហាន​អា​មេ​រិ​ក​៣០​នាក់ មក​ដល់​តំបន់​ភ្នំ​នោះ​ដើម្បី​ជួយ​ជា​កម្លាំង​ដល់​អ្នក​ជួយ​សង្គ្រោះ​ថៃ​ប្រមាណ​ជា​១០០០​នាក់​៕
ប្រភព៖ kohsantepheapdaily

Loading...