ភ្នំពេញ ៖ ​ចម្រៀង​មរតក​ដើម​លោក ​ជុំ ជឿន​ បានជួបហេតុការណ៍ចោរឆក់ការបូប​នៅ​មុខ​សាលា​​ឋ​បម​សិក្សា​ទួល​គោក។ តារាចម្រៀងមរតក​ដើម​រូបនេះ ក្រោយពេលចោរឆក់កាបូបក៏បានដួលបែកក្បាលហូរឈាម តែលោកអាចក្រោកឈរបាន ហើយត្រូវគេគ្រាកាន់ដៃឡើងឡានពេទ្យ ដឹកយកទៅមន្ទីរពេទ្យ ហើយក៏បាត់មាត់បាត់កតែម្តង។ បើតាមការបញ្ជាក់ពីសមត្ថកិច្ចបានប្រាប់ថា តារាចម្រៀងវ័យក្មេងរូបនេះ ត្រូវ​បាន​​ជនសង្ស័យ​មួយ​ក្រុម​ជិះ​ម៉ូតូ​ធ្វើ​សកម្មភាព​ឆក់​កាបូប បណ្តាលឲ្យលោកដួលបែកក្បាលហូរឈាមពេញខ្លួន ដែលហេតុការណ៍នេះបានកើតឡើងកាលពីវេលាម៉ោង ​១១​និង​៣០​នាទីយប់ ​ថ្ងៃ​ទី​៤ ខែកក្កដា ​ឆ្នាំ២០១៨ ស្ថិត​ក្នុង​សង្កាត់​បឹង​កក់១ ខ​ណ្ឌ​ទួល​គោក​ ហើយ​ត្រូវ​បាន​រថយន្ត​សា​មុ​យ​ដឹក​បញ្ជូន​​ទៅ​មន្ទីរពេទ្យ ​ដើម្បី​សង្គ្រោះ​បន្ទាន់ ។ ក្រោយពីទទួលបានដំណឹងភ្លាម សិល្បករ សិល្បការិនីជាច្រើន បានសំដែងការអាណិតអាសូរ និងជូនពរឲ្យលោកឆាប់ជាសះស្បើយផងដែរ។