រថយន្តដឹកកម្មករ បើកវ៉ារថយន្តមួយគ្រឿងទៀតមិនផុត ក្រឡាប់ផ្ងារជើង បណ្តាលឲ្យកម្មករ កម្មការិនី រងរបួសជាច្រើនអ្នក...

កំពង់ស្ពឺ៖ កម្មករ​រោងចក្រ៣៥នាក់ បាន​រងរបួស​ធ្ងន់-ស្រាល ករណី​រថយន្ត​ដឹកកម្មករបាន​បើក​ជែង ជាមួយ​រថយន្ត​មួយគ្រឿង ទៀត​បណ្តាល​ឲ្យ​ក្រឡាប់ចាក់ កម្មករ​ចោល​ពេញ​ផ្លូវ កាលពីថ្ងៃទី១៨ ខែ ឆ្នាំ២០១៨ ស្ថិតនៅ​ភូមិ​ពោធិ​ថ្មី ឃុំ​ដំណាក់​រាំង ស្រុក​ឧ​ដ្តុ​ង្គ ខេត្តកំពង់ស្ពឺ ។ បើតាមសម្តីរបស់សមត្ថកិច្ចបានប្រាប់ឲ្យដឹងថា រថយន្ត​បង្ក​ម៉ាក ម៉ាស​ស្ដា​កូរ៉េ​ព​ណ័​ផ្ទៃមេឃ​ស្លាក​លេខ គ7187-ភព2 បើកបរ​ដោយ ឈ្មោះ​ដួង គឹម​តុង ភេទ​ប្រុស អាយុ33ឆ្នាំ នៅ​ភូមិ​ពោធិ​ថ្មី ឃុំ​ដំណាក់​រាំង ស្រុក​ឧ​ដ្តុ​ង្គ ខេត្តកំពង់ស្ពឺ បាន​ដឹក​កម្មករ​ជាច្រើន​នាក់ ខណៈ​កំពុង​បើកបរ បាន​ជែង​រថយន្ត១គ្រឿង​ទៀត បណ្ដាលអោយ​ក្រឡាប់ កម្មករ​ចំនួន៣៥នាក់ រងរបួស​ស្រី៣០នាក់​ស្រាល និង៥នាក់​ទៀត​របួសធ្ងន់ ត្រួវបាន​ដឹកយក​ទៅ​សង្គ្រោះ​នៅ​មន្ទីរពេទ្យ​ថ្នល់ទទឹងភ្លាមៗ ៕

ដោយ៖ និស្ស