រថយន្តម៉ាកកូរ៉េ បើកយ៉ាងលឿនបែកកង់ទៅបុករថយន្តហាយឡិនឌរ័ យ៉ាងពេញទំហឹង បណ្តាលឲ្យរថយន្តដាច់កង់ រមៀលទៅបុករថយន្តបាឡែនមួយគ្រឿងទៀត បណ្តាលឲ្យមនុស្សក្មេងចាស់ប្រុសស្រីចំនួន៨នាក់ រងរបួសធ្ងន់ស្រាល...

សៀមរាប៖ កាលពីថ្ងៃទី២២ ខែ កក្កដា ឆ្នាំ២០១៨ រថយន្តកូរ៉េ បើកយ៉ាងលឿន ស្រាប់តែបែកកង់រ៉េចង្កូតទៅបុក រថយន្តហាយឡិនឌរ័ ពេញទំហឹង ដាច់កង់រួចទៅបុករថយន្តបាឡែនមួយគ្រឿងទៀត បណ្តាលឲ្យមនុស្សប្រុសស្រីក្មេងចាស់ចំនួន៨នាក់ រងរបួសធ្ងន់និងស្រាល ដែលហេតុការណ៍នេះបានកើតឡើង នៅលើដងផ្លូវជាតិលេខ០៦ ចម្ងាយ១០០ ម៉ែត្រ ខាងលិចស្នាក់ការអាវុធហត្ថ ៦១០ ស្ថិតនៅភូមិរំដេង ឃុំស្រណាល ស្រុកក្រឡាញ់ ខេត្តសៀមរាប ។

បើតាមការឲ្យដឹងពីសមត្ថកិច្ចបានប្រាប់ឲ្យដឹងថា រថយន្តបង្កម៉ាក ហ៊ីយ៉ានដាយ ពណ៍ស ពាក់ស្លាកលេខ ភ្នំពេញ 3B-6340 បើកបរដោយឈ្មោះ ចាន់ ភេទប្រុស អាយុ ២០ឆ្នាំ និងមានអ្នករួមដំណើរ ចំនួន៣នាក់ ទី១.ឈ្មោះ ម៉ា ភេទ ប្រុស អាយុ ២៣ ឆ្នាំ មិនទាន់ស្គាល់ទីលំនៅ ទី២.ឈ្មោះថន វ៉ាន់ឆៃ ភេទប្រុស អាយុ ២៣ ឆ្នាំ រស់នៅភូមិ បន្ទាយស្រី ឃុំខ្នារសណ្តាយ ស្រុកបន្ទាយស្រី ខេត្តសៀមរាប ទី៣.ឈ្មោះ រិត វាសនា ភេទប្រុស អាយុ ២៨ ឆ្នាំរស់នៅភូមិ ស្រែសណ្តាយ ឃុំរបូរក្រូច ស្រុកត្រពាំងប្រាសាទ ខេត្តឧត្តមានជ័យ លុះដល់ចំណុចកើតហេតុស្រាប់តែបែកកង់ខាងឆ្វេងរ៉េចង្កូត ទៅបុករថយន្តឡិនឌ័រ ពណ៍ទឹកប្រាក់ ពាក់ស្លាកលេខ បន្ទាយមានជ័យ 2A-6586 បើកបរដោយឈ្មោះ បិន នាគ អាយុ៣២ ឆ្នាំជាប្ដី និងប្រពន្ធឈ្មោះ ឆែ រើន អាយុ ២៧ ឆ្នាំ ព្រមទាំង កូនប្រុសឈ្មោះ ឈុន តុលា អាយុ៧ ឆ្នាំ និង កូនស្រីឈ្មោះ ឈុន លីណា អាយុ ១៥ខែ ទីលំនៅភូមិ ២ឃុំកំពង់ស្វាយ ស្រុកសេរីសោភ័ណ្ឌ ខេត្តបន្ទាយមានជ័យ ក្នុងទិសដៅពីលិចទៅកើត។ បន្ទាប់មកកង់រថយន្តម៉ាក ហ៊ីយ៉ាន់ដាយ បានដាច់កង់រមៀលទៅបុកប៉ះរថយន្តមួយគ្រឿងទៀតម៉ាក កាម៉ារី (បាឡែន) ពណ័ទឹកប្រាក់ ពាក់ស្លាកលេខ ភ្នំពេញ 2T-9761 បើកបរដោយឈ្មោះ ជួ ផល្លី ភេទ ប្រុស អាយុ ៣៧ ឆ្នាំ ទីលំនៅភូមិ ចំការចេក ឃុំ អូរស្មាច់ ស្រុកសំរោង ខេត្តឧត្តមានជ័យ ក្នុងទិសដៅពីកើតទៅលិច។បណ្តាលអោយរបួសធ្ងន់៤នាក់ស្រី២នាក់ ។