ត្បូងឃ្មុំ៖ ក្រោយពីទទួលបានពាក្យបណ្តឹងជនរងគ្រោះ ឈ្មោះ សា ហ៊ីម ភេទ ប្រុស អាយុ៤៣ឆ្នាំ ជនជាតិខ្មែរឥស្លាម ស្នាក់នៅភូមិឈើទាលទី២ ឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ បានប្តឹងជនសង្ស័យ ឈ្មោះ ជូ ចំរើនហៅ វណ្ណា ភេទប្រុស អយុ៥៥ឆ្នាំ ជាតិខ្មែរ នៅភូមិព្រែកពាម ឃុំពាមជីលាំង ស្រុកត្បូងឃ្មុំ ដែលបាននាំកូនស្រីគាត់ចំនួន ២នាក់ ទៅធ្វើពលករនៅប្រទេសម៉ាឡេស៊ី ហើយបង្ខាំង និងបង្ខំរួមភេទបានសម្រេចជាច្រើនដង ការឃាត់ខ្លួននេះធ្វើឡើងកាលពីថ្ងៃទី០៣ ខែសីហា ឆ្នាំ ២០១៨។ បើតាមសម្តីរបស់ជនរងគ្រោះបានប្រាប់ឲ្យដឹងថា កាលពីខែកក្កដា ឆ្នាំ២០១៧ ជនសង្ស័យរូបនេះ បានមកជួបអាណាព្យាបាលជនរងគ្រោះ នៅផ្ទះស្ថិតភូមិឃុំកើតហេតុ ដោយនិយាយបញ្ចុះបញ្ចូលឲ្យកូនស្រីរបស់គាត់ទៅធ្វើការនៅប្រទេសម៉ាឡេស៊ី ព្រោះគាត់ជាមេខ្យល់មួយ របស់ក្រុមហ៊ុននៅប្រទេសម៉ាឡេស៊ីនោះតែម្តង ដោយថ្លៃសោហ៊ុយគឺខាងក្រុមហ៊ុនជាអ្នកចេញទាំងអស់ ។ លុះដល់ខែកុម្ភ: ឆ្នាំ២០១៨ ឈ្មោះ ជូ ចំរើន បានត្រឡប់មកពីប្រទេសម៉ាឡេស៊ីវិញ បានមកជួបគាត់ និងប្រពន្ធ ប្រាប់ថា ហ៊ីម តីណុប សុខសប្បាយទេ ក៏និយាយសុំយកកូនស្រីទី២ របស់គាត់ឈ្មោះ ហ៊ីម ពីពះ អាយុ១៨ឆ្នាំ ទៅធ្វើការនៅប្រទេសម៉ាឡេទៀត គាត់ក៏បានអនុញ្ញាតឲ្យទៅជាមួយ។ កាលពីអំឡុងខែមេសា ឆ្នាំ២០១៨ ស្រាប់តែបានដំណឹងកូនស្រី គាត់ ឈ្មោះ ហ៊ីម តីណុប បានលួចតេទូរស័ព្ទមកប្រាប់ឪពុកម្តាយរបស់ខ្លួនថា ខ្លួនត្រូវបានឈ្មោះ ជូ ចំរើន បង្ខំរួមភេទ ជាមួយតាំងពីនាងមកដល់ប្រទេសម៉ាឡេស៊ីដំបូងម្ល៉េះ ដោយបង្ខាំងទុកឲ្យនៅតែក្នុងផ្ទះ ជាមួយគាត់មិនឲ្យចេញទៅធ្វើការនៅក្រៅផ្ទះទេ ដោយដកហូតលិខិតឆ្លងដែន និងប្រើអំពើហិង្សា វាយតប់លើរូបរាងកាយ មានទាំងកោសក់ក្បាល ដកហូតទូរស័ព្ទមិនឲ្យទាក់ទង មកឪពុកម្ដាយបានឡើយ ហើយឈ្មោះ ជូ ចំរើន បានបង្ខំប្អូនស្រីឈ្មោះ ហ៊ីម ពីពះ រួមភេទជាមួយបានសម្រេចជាច្រើនលើក ៕
.jpg?1711704207)
.jpg?1711518506)
.jpg?1711517593)
.jpg?1711449474)
