ភ្នំពេញ៖ ទីតាំងហ្គេមបាញ់ត្រីល្បែងខុសច្បាប់១កន្លែង បានបើកលេងទាំងយប់ទាំងថ្ងៃ មានសុទ្ធតែក្មេងទំនើង និងក្មេងស្ទាវចេញចូលទល់ៗភ្លឺយ៉ាងគគ្រឹកគគ្រេង ដោយមិនមានការំរខានដល់អាជ្ញាធរមូលដ្ឋាន និងខ្លាចសមត្ថកិច្ចនោះទេ ដោយទីតាំងនោះស្ថិតនៅចំណុចផ្ទះលេខ២៣ ផ្លូវលេខ៩៧ ក្រុមទី២៦ ភូមិ៤ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ប្រជាពលរដ្ឋដែលរស់នៅជិតខាង និងជាប់ទីតាំងខាងលើ បានបង្ហើបឲ្យដឹងថា នៅទីតាំងហ្គេមបាញ់ត្រីមួយកន្លែងនេះ មួយយប់ៗមានក្មេងទំនើងក្មេងស្ទាវចេញចូលឥឈប់ឈរបង្កភាពភ័យខ្លាច និងអសន្តិសុខសង្គមជាខ្លាំង និងបង្កឲ្យកើតមានអំពើចោរកម្មដូចជា លួច ឆក់ ប្លន់ ដែលបានកើតចេញពីល្បែងខាងលើនេះ ។ ដូច្នេះហើយប្រជាពលរដ្ឋរស់ជិតខាងសូមណុំពរទៅដល់ លោក ព្រុំ សំខាន់ អភិបាល នៃគណៈ អភិបាលខណ្ឌចំការមន និងលោក យឹន សាន ដែលជាអធិការ ខណ្ឌចំការមន មេត្តាមានវិធានការចំពោះល្បែងសុីសងហ្គេមបាញ់ត្រីនៅចំណុចខាងលើនេះផង ៕ ដោយ៖ ភារ៉ា