ភ្នំពេញ៖ បុរសម្នាក់ស្រវឹងស្រាជោគជាំ បានបើករថយន្តស៊េរីទំនើបមួយគ្រឿងបើកក្នុងល្បឿនលឿនដូចហោះក៏ជ្រុលទៅបុកស្លាកប៉ានណូនឹងបុកសសររបងផ្ទះធំមួយដើមបណ្តាលឲ្យបាក់រងការខូចខាតយ៉ាងដំណំ រឯតៃកុងរថយន្តរងរបួសធ្ងន់ត្រូវបញ្ជូនទៅកាន់មន្ទីពេទ្យ ។

ហេតុការណ៏នេះកើតឡើងការពីវេលាម៉ោង ១២និង០០នាទីយប់រំលងអាធ្រាតឈានចូលថ្ងៃ សុក្រ ទី ២៤ ខែ សីហា ឆ្នាំ ២០១៨ ស្ថិតនៅតាមបណ្តោយផ្លូវលេខ ២០៦ ភូមិដើមមៀន សង្កាត់ដើមមៀន ក្រុងតាខ្មៅ ខេត្ត កណ្តាល ។ តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញបុរសម្នាក់ស្រវឹងស្រាជោគបើករថយន្តម៉ាក Fortuner ស៊េរីទំនើបពណ៌សមួយគ្រឿងពាក់ស្លាកលេខភ្នំពេញ 2AR-7737 បើកតាមបណ្តោយផ្លូវ ២០៦ ទិសដៅពីត្បូងទៅជើងក្នុងល្បឿនលឿនដូចហោះក៏ជ្រុលចង្កូតទៅបុកស្លាកប៉ាន់ណូធំមួយបណ្តាលឲ្យហើបចេញពីគល់នឹងបែកថូផ្កាជាច្រើនថូហើយបន្តទៅបុកសសររបងផ្ទះដ៏ធំមួយបណ្តាលឲ្យបាក់មួយសសរនឹងរងការខូចខាតធ្វាផងដែររីឯរថយន្តវិលមួយជុំខ្ទេចផ្នែកខាងមុខស្ទើតែទាំងស្រុងផ្ទុះពោងសុវត្ថិភាពទាំងអស់បង្កឲ្យតៃកុងរថយន្តរងរបួសធ្ងន់បែកមុខត្រូវបញ្ជូនទៅសង្គ្រោះបន្ទាន់នៅមន្ទីរពេទ្យ ។ ក្រោយពេលកើតហេតុភ្លាមៗនោះសាច់ញាត្តិក្រុមគ្រួសារក៏បានមកដល់ហើយឡើងរថយន្តសាម៉ុយទៅជាមួយតៃកុងរថយន្តនោះហើយសាច់ញាត្តិម្នាក់ទៀតនៅប្រមូលឥវ៉ាន់ក្នុងរថយន្តក្រោយមកសម្ថកិច្ចជំនាញក៏យករថយន្តបង្កយកទៅរក្សាទុកនៅការិយាល័យចរាចរណ៏ផ្លូវគោកនៃអធិការដ្ឋាននគរបាលក្រុងតាខ្មៅដើម្បីរងចាំភាគីម្ចាស់រថយន្តចូលមកដោះស្រាយទៅតាមនិតិវិធីច្បាប់ ៕ មានវីដេអូ៖ ដោយ៖ ភារ៉ា