បើករថយន្តងោកមួយភាំង ជ្រុលចង្កូតធ្លាក់ផ្លូវ សំណាងល្អមិនរបួសដល់មនុស្ស
- 1506

ខេត្តព្រៃវែង៖ រថយន្តបង្កម៉ាកហ៊ីយ៉ាន់ដាយ ១៤តោនមួយគ្រឿង បានធ្វើដំណើរនៅពេលយប់ ដោយតៃកុងងងុយដេក ជ្រុលចង្កូតធ្លាក់ផ្លូវ រងការខូចខាតយ៉ាងដំណំ ។

ហេតុការណ៍នេះបានកើតឡើង នៅលើផ្លូវជាតិលេខ១១ ចំណុចខាងជើងស្ពានព្រៃកណ្តៀងស្ថិតក្នុងភូមិព្រៃកណ្តៀងស្រុកពាមរកខេត្តព្រៃវែង កាលពីវេលាម៉ោង១យប់ឈានចូលថ្ងៃទី២៨ខែសីហាឆ្នាំ២០១៨។
រថយន្តបង្កម៉ាកហ៊ីយ៉ាន់ដាយ ១៤តោន ពណ៌ខៀវ ស្លាកលេខភ្នំពេញ ៣B ៩១៦៨ បើកបរដោយឈ្មោះ ម៉ៅ ម៉េត ភេទប្រុសអាយុ២៨ឆ្នាំ ជនជាតិខ្មែរមុខរបរបើកបរ។និងអ្នករួមដំណើរឈ្មោះ ឌៀប ក្តិប ភេទប្រុសអាយុ២៦ ជនជាតិខ្មែរមុខរបរព្រូរថយន្ត។ អ្នកទាំងពីរនាក់រស់នៅភូមិ ត្របែរ ឃុំត្របែរ ស្រុកត្របែរ ខេត្តត្បូងឃ្មុំជាមួយគ្នា។ ករណីខាងលើនេះពុំមានមនុស្សរងរបួសឡើយ ចំពោះរថយន្តសមត្ថកិច្ចប្រគល់ជូនម្ចាស់គេវិញ៕
ដោយៈ ភត្រ្តា