កាលពីថ្ងៃទី១៧ ខែកញ្ញា ឆ្នាំ២០១៩ ផ្លូវ១៥៧១ចំណុចភូមិឥន្ទជិតផ្លូវទៅប្រាសាទបាណន់ជិតចំការទំពាំងបាយជូរ ប៉ុស្តិ៍នគរបាលរដ្ឋបាលឈេីទាល កំពុងតែជន់លិចស្រែចំការ និងផ្លូវលំនៅដ្ឋានមួយចំនួន ។ សមត្ថកិច្ចកំពុងតែជួយជញ្ជូន ឥវ៉ាន់ និងប្រជាពលរដ្ឋ ទៅទីទួលសុវត្ថិភាព ។
បើយោងតាមគណនីហ្វេសប៊ុកមួយដែលមានឈ្មោះថា Pitou Sim បានរៀបរាប់ថា " ១៧.០៩.២០១៩ផ្លូវ១៥៧១ចំណុចភូមិឥន្ទជិតផ្លូវទៅប្រាសាទបាណន់ជិតចំការទំពាំងបាយជូរ ប៉ុស្តិ៍នគរបាលរដ្ឋបាលឈេីទាល សូមជំរាបជូនដល់ប្រជាជនដែលរស់នៅក្នុងឃុំឈេីទាលទាំង១៥ភូមិអោយបានជ្រាបថា: ថ្មីៗនេះទឹកស្ទឹងសង្កែមានការកើនឡេីងខ្លាំងបណ្តាលឲ្យមានការលិចស្រែចំការនិងផ្លូវលំនៅដ្ឋានមួយចំនួន។ អាស្រ័យដូចបានជំរាបជូនខាងលេីសូមប្រជាពលរដ្ឋទាំងអស់ដែលមានលំនៅដ្ឋានក្បែរមាត់ស្ទឹងសង្កែដែលស្ថិតនៅក្នុងឃុំឈេីទាលមេត្តាមានការប្រុងប្រយ័ត្នដូចជា៖
- ការឆ្លងចរន្តអគ្គិសនីបណ្តាលឲ្យឆក់ជាយថាហេតុ
- សត្វមានពិស
- កុំបណ្តោយឲ្យក្មេងតូចៗលេងទឹកនិងទុកអោយនៅម្នាក់ឯងជៀសវាងជួបគ្រោះថ្នាក់ជាយថាហេតុ។ លេខទូរស័ព្ទសមត្ថកិច្ច លោកអធិការ៖012518931 នាយរងប៉ុស្តិ៍095282899 នាយរងប៉ុស្តិ៍092264040"។
អាស្រ័យហេតុនេះ សូមបងប្អូន ទាំងអស់ មានការប្រុងប្រយ័ត្ន ជាពិសេសគឺក្មេងៗ បងប្អូនត្រូវមានការប្រុងប្រយ័ត្នឲ្យបានខ្ពស់ និងស្វែងទីទួលសុវត្ថិភាព ៕
ប្រភព៖ Pitou Sim