កុំបាក់ទឹកចិត្តអី ស៊ែរ១កូនខ្មែរយើង ! កម្ពុជាយើងបន្តឈ្នះប្រទេសវៀតណាម ២ វិញ្ញាសារហើយ ទាំងបាល់ទះ និងប្រដាល់...(មានវិដេអូ)

ការប្រកួតកីឡាស៊ីហ្គេមឆ្នាំនេះ ប្រព្រឹត្តទៅចាប់ពីថ្ងៃទី៣០ ខែវិច្ឆិកា ដល់ថ្ងៃទី១១ ខែធ្នូ ឆ្នាំ២០១៩។ ឆ្នាំនេះមានអត្តពលិកជិត៦ពាន់នាក់ ដែលមកពី១១ប្រទេសចូលរួម ពួកគេត្រូវប្រកួតប្រជែងលើ៥៦ប្រភេទកីឡា ខណៈកម្ពុជាបញ្ជូនអត្តពលិក៣១ប្រភេទកីឡាឲ្យចូលរួម ដែលហ្វីលីពីនធ្វើម្ចាស់ផ្ទះឆ្នាំនេះ ត្រូវបានបើកការប្រកួតផ្លូវការនៅយប់ថ្ងៃទី៣០ ខែវិច្ឆិកា ឆ្នាំ២០១៩នេះ។

គួរបញ្ចាក់ផងដែរថានៅក្នុងពេលថ្មីៗនេះក្រុមបាល់ទះកម្ពុជាបានយកឈ្នះទៅលើក្រុមបាល់ទះវៀតណាមដោយលតផល៣ទល់២សិត។

តែបើយើងក្រលេកមកមើលកីឡាប្រដាល់ឯណេះវិញគឺនៅថ្ងៃនេះដែរ សូមចូលរួមអបអរសាទរ និងកោតសរសើរជាខ្លាំងដល់កីឡាករប្រដាល់កម្ពុជា ដែលបានខំតស៊ូយ៉ាងស្វិតស្វាញក្នុងការប្រកួត រហូតទទួលបានជ័យជម្នះ ដោយបានយកឈ្នះកីឡាករប្រដាល់វៀតណាម ក្នុងព្រឹត្តិការណ៍កីឡា SEA Games 2019 នៅប្រទេសហ្វីលីពីន ពិតជាអស្ចារ្យខ្លាំងណាស់។

នេះបើយោងទៅតាមគណនីហ្វេសប៊ុកផេក TV5 Sport News បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ «អបអរសាទរ កីឡាករ ឡៅ ចន្រ្ទា បានយកឈ្នះកីឡាករប្រទេសវៀតណាម HOANG Van Toan ដោយពិន្ទុ ក្នុងប្រភេទកីឡា KICK BOXING ទម្ងន់69គីឡូក្រាម។និងមានឳកាសឡើងទៅកាន់វគ្គបន្តទៀត នៃព្រឹត្តការណ៍កីឡាសុីហ្គេម នៅប្រទេសហ្វីលីពិន»។ សូមទស្សនាវិដេអូខាងក្រោម៖