មនុស្សយើងម្នាក់ៗកើតមកសុទ្ធតែមានវាសនាខុសគ្នាទាំងអស់ អ្នកខ្លះក្រ អ្នកខ្លះកើតមកមានស្រាប់ គ្មានសិទ្ធជ្រើសរើសយកបានកន្លែងកើតនោះទេ បើអាចរើសបាននោះក៏គ្មាននរណាម្នាក់ក្រជាងម្នាក់ណាឡើង។

នៅលើផែនដីនេះគ្មាននរណាម្នាក់ចង់ក្រ ចង់អាក្រកនោះទេ ប៉ុន្តែវាជាវាសនា តើធ្វើបែបណាបើយើងមិនអាចជ្រើសរើសបានផងនឹង បើរើសបានអ្នកគ្រប់គ្នាប្រហែលជាអ្នកមាន កំពុងតែចូលហាងធ្វើខ្លួន ញាំរបស់ឆ្ងាញ់ៗបាត់ទៅហើយ មិនមែនមានអ្នកខ្លះទៅសុំទាន ធ្វើការងារដែលចំណាយកម្លាំងច្រើន ហើយផលទទួលបានមិនសាកសមនោះទេ។

ជីវភាព​ក្រីក្រ​ នៅតែជា​ចំណោតបញ្ហាមួយ​ដែលប្រទេស​ កម្ពុជា​នៅតែកើតមាន បេីទោះបីជារាជរដ្ឋាភិបាល​កំពុងតែ​ស្វះស្វែង​ក្នុងការ​កាត់​បន្ថយ​ភាព​ក្រីក្រ​យ៉ាងណាក្ដី​ ក៏ភាព​ក្រីក្រ​នេះ​ នៅតែបន្តកេីតមាន​ ជាពិសេស​ចំពោះ​មនុស្ស​ចាស់​ជរានៅតាម​បណ្តាល​ខេត្ត​ និងនៅតាមតំបន់​ដាច់ស្រយាល​ជាដេីមនោះ។

ជាមួយ​គ្នានេះ​ដែរ​ មិនមែនមនុស្សគ្រប់រូបសុទ្ធតែមានព្រេងវាសនា និងលាភសំណាងដូចៗគ្នានោះទេ បេីសិនជាយេីង​កេីតមកជាកូនអ្នកក្រ​ សូមកុំអស់​សង្ឃឹម​អី​ ត្រូវ​មានការខិតខំ​តស៊ូ​ គង់​មានថ្ងៃមួយអ្វីៗនឹង​ប្រសេីរឡេីង​ជាក់​ជា​មិនខាន​ឡើយ​ ហើយ​ថែម​ទាំង​ទទួល​បាន​នូវកេរ្តិ៍ឈ្មោះ​ និងការ​កោតសរសើរ​ពី​មនុស្ស​នៅ​ជុំវិញ​ខ្លួន​ថែម​ទៀត​ផង​។

ដោយ​ឡែក​ ក្រឡេក​មកមេីល​លោកអ៊ុំចាស់ម្នាក់ដែលគាត់កំពុងតែអង្គុយលក់នំម្នាក់ឯងស្ងាត់ នេះបើយោងតាមគណនីហ្វេសប៊ុកឈ្មោះ Spoon Coffee “???គួរអោយអាសូរណាស់ ម្តាយគេម្តាយយើងខិតខំគ្រប់យ៉ាងព្រោះតែកូនៗ ម៉ោង១០យប់ អ្នកលក់ផ្សេងៗគេរើទៅផ្ទះចង់អស់ហើយ ហេតុតែលក់អត់ដាច់សុទ្ធចិត្តអង្គុយលក់ម្នាក់ឯង ខ្ញ៉ំឃើញគាត់ដើរលក់កាត់មុខផ្ទះខ្ញ៉ំតាំងពីថ្ងៃ ខ្ញ៉ំបានលឺអ្នកលក់ជិតនឹងនិយាយគាត់លក់ឥតដាច់សូម្បីតែ១នំ បើអាណិតគាត់សូមជួយទិញនំគាត់ផង??????”៕