បើកាលពីថ្ងៃទី១៤ ខែមីនា ឆ្នាំ២០២០ នេះ តារាចម្រៀង លោក ហ៊ុន បរិញ្ញា បានត្រៀមខ្លួនរួចជាស្រេច ដើម្បីដឹកដៃអនាគត ភរិយា កញ្ញា ជ័យ វណ្ណវីរីយ៉ា ចូលរោងជ័យ នៅប៉ុន្មានថ្ងៃខាងមុខនេះ តែដោយសារមានជំងឺរាតត្បាត ហើយគិតគូរពីសុខភាព សុខសុវត្ថិភាព របស់បងប្អូន ដែលអញ្ជើញចូលរួមនោះ ទើបពន្យាពេលថ្ងៃការទៅថ្ងៃមុខវិញ។

ជាក់ស្តែងនៅក្នុងគណនីហ្វេសប៊ុករបស់កូនក្រមុំ បានរៀបរាប់ថា "យើងខ្ញុំទាំងពីរនាក់​ ព្រមទាំងលោកពុកអ្នកម្តាយទាំងសងខាង សូមខន្ដីអភ័យទោសដល់ ទ្រង់ ឯកឧត្តម លោកឧកញ្ញ៉ា លោកជំទាវ លោក/លោកស្រី ព្រមទាំងភ្ញៀវកិត្តិយសទាំងអស់អោយបានជ្រាបថា នៅថ្ងៃទី ២៥ ខែមីនា ឆ្នាំ២០២០ ខាងមុខនេះ ដែលជាថ្ងៃសិរីមង្គលរបស់យើងខ្ញុំទាំងពីរ និងប្រារព្ធធ្វើឡើងនៅ មជ្ឈមណ្ឌលសន្និបាត និងពិព័រណ៌កោះពេជ្រ (អាគាA) ត្រូវបានពន្យាពេលលើកថ្ងៃ ដោយសារតែមានមេរោគ Covit19 អាស្រ័យដូចហេតុខាងលើ យើងទាំងពីរព្រមទាំងក្រុមគ្រួសារទាំងសងខាង សូមអភ័យទោស តាមរយះ Account Facebook របស់នាងខ្ញុំផ្ទាល់ យើងខ្ញុំទាំងពីរ​ សូុមជូនពរ​ អោយសុខភាពល្អ​ និងសំរេចជោគជ័យគ្រប់ភារកិច្ចទាំងអស់ និងឆ្លងអោយផុតទាំងអស់គ្នានៅជម្ងឺ Covit19 នេះ។  សូមបងប្អូនភ្ញៀវកិត្តិយសទាំងអស់ជ្រាបជាព៌តមាន សូមអរគុណ "។

ប្រភព៖ ជ័យ វណ្ណវីរីយ៉ា