នៅថ្ងៃនេះលោក ផែង វណ្ណៈ ក៏បានធ្វើការឡាយវិដេអូនិយាយពីរឿងដីធ្លី របស់លោកពូកម្នាក់ ។ បន្ទាប់ពីបានធ្វើការឡាយវិដេអូហើយនោះ លោក ផែង វណ្ណៈ ក៏បានឧបត្ថម្ភប្រាក់ចំនួន១០០ដុល្លារ ដើម្បីធ្វើជាសោហុយជូន លោកពូ ត្រឡប់ទៅផ្ទះវិញ ព្រោះថា លោកពូ មកនេះ គឺគាត់គ្មានអ្វី នោះទេ សូម្បីតែប្រាក់ធ្វើដំណើរមកជូបលោកក៏ពូគាត់គ្មានផង។
នៅក្នុងគណនីហ្វេសប៊ុករបស់លោក ផែង វណ្ណៈ បានរៀបរាប់ថា "ដោយក្ដីអាណិតបងប្រុសអតីតយុទ្ធជន គង់ សារុន ដែលក្រីក្រហេីយរងអំពេីអយុត្តិធម៌ពីសំណាក់ចៅក្រម ឌុច សុខសារិន ខ្ញុំបានផ្ដល់ថវិកាផ្ទាល់ខ្លួនជូនគាត់ ១០០ ដុល្លារ សំរាប់ការធ្វេីដំណេីរត្រឡប់ទៅផ្ទះនៅខេត្តសៀមរាបវិញ ។
ទោះបីជាថវិកាតិចតួចក្ដីតែជាសណ្ដានចិត្តអាណិតស្រលាញ់ជនរងគ្រោះក្រីក្រដែលត្រូវគេជិះជាន់ធ្វេីបាបស្ទេីរតែចង់សម្លាប់ខ្លួនទៅហេីយ ។ ខ្ញុំបានណែនាំគាត់កុំអោយគិតខ្លីហេីយត្រូវមានសង្ឃឹម ត្រូវតស៊ូបន្តទៅមុខទៀត ព្រោះអំពេីអាក្រក់មិនឈ្នះអំពើល្អបានទេបងប្រុសនឹងទទួលបានយុត្តិធម៌ឆាប់ៗពុំខាន ។
ខ្ញុំនឹងបន្តផ្សាយព័ត៌មានអំពីអំពើអយុត្តិធម៌មួយនេះរហូតទាល់តែព័ត៌មាននេះបានជ្រាបទៅដល់ថ្នាក់ដឹកនាំដេីម្បីមានដំណោះស្រាយប្រកបដោយយុត្តិធម៌ត្រឹមត្រូវជូនគាត់ ។
ប្រភព៖ ផែង វណ្ណៈ
