ដំណឹងល្អ ! អ្នកស្រាវជ្រាវចិនមួយរូបកំពុងតែផលិតថ្នាំមួយប្រភេទ អាចបញ្ឈប់ការឆ្លងកូវីដ១៩ ដោយមិនចាំបាច់ប្រើថ្នាំវ៉ាក់សាំង

នេះជាដំណឹងល្អមួយ ខណៈដែលប្រទេសចិនកំពុងតែអភិវឌ្ឍថ្នាំម្យ៉ាង ដែលគេជឿជាក់ថា ថ្នាំនេះមិនត្រឹមតែព្យាបាលអ្នកឆ្លងវីរុសកូវីដ១៩ ជាសះស្បើយនោះទេ ថែមទាំងអាចបញ្ឃប់ការរីកដុះដាលនៃវីរុសនេះបានទាំងស្រុងផងដែរ។

ក្នុងអំឡុងពេលផ្ទុះវីរុសនេះ កាលពីចុងឆ្នាំ២០១៩ នៅប្រទេសចិនបានសម្លាប់មនុស្សជាច្រើន និងថែមទាំងធ្វើឲ្យមនុស្សទូទាំងពិភពលោកមានការភ័យខ្លាច ដូច្នោះហើយបានវិទ្យាសាស្ត្រគ្រប់ទិសទីរួមគ្នាស្វែងរកថ្នាំព្យាបាលពិតប្រាកដ និងវ៉ាក់សាំងដើម្បីទប់ស្កាត់ការឆ្លងរីករាលដាលពាសពេញពិភពលោក។

ក្រុមអ្នកស្រាវជ្រាវបាននិយាយថាថ្នាំ ដែលត្រូវបានធ្វើតេស្តសាកល្បង ដោយអ្នកវិទ្យាសាស្ត្រមួយនៅសាកលវិទ្យាល័យប៉េកាំងដែលមានកេរ្តិ៍ឈ្មោះរបស់ប្រទេសចិន Peking University មិនត្រឹមតែអាចកាត់បន្ថយពេលវេលានៃការជាសះស្បើយសម្រាប់អ្នកដែលឆ្លងជំងឺនោះទេ ប៉ុន្តែថែមទាំងផ្តល់នូវភាពស៊ាំរបស់យើង អាចដឹងពីមេរោគនេះក្នុងរយៈកាន់តែលឿន។

លោក Sunney Xie បានពន្យល់ថា លោកបានធ្វើការសាកល្បងថ្នាំប្រភេទនេះនៅលើសត្វកណ្តុរដោយទទួលលទ្ធផលគួរឲ្យកត់សម្គាល់។ តាមលោកស៊ុននី ស៊ី ថ្នាំដែលលោកបានសាកល្បងលើសត្វកណ្តុរជាថ្នាំដែលផលិតចេញពីប្រព័ន្ធការពារ ឬអង់ទី ករបស់អ្នកជាសះស្បើយពីជំងឺកូវីដ១៩ ចំនួន៦០នាក់។ នៅក្នុងជំហានបន្ទាប់ ការសាកល្បងកំពុងរៀបចំធ្វើលើអ្នកជំងឺកូវីដ១៩ ហើយបើតាមលោកស៊ុននី ស៊ី ការសាកល្បងលើអ្នកជំងឺនឹងធ្វើឡើងនៅក្នុងប្រទេសអូស្រ្តាលី និងនៅក្នុងប្រទេសផ្សេង ព្រោះនៅចិនសព្វថ្ងៃ គេមិនមានអ្នកជំងឺកូវីដ១៩ គ្រប់គ្រាន់ដើម្បីសាកល្បងទេ។

អ្នកស្រាវជ្រាវចិនរូបនេះដដែលសង្ឃឹមថា ប្រព័ន្ធការពារ ឬអង់ទី ក ដែលយកចេញពីអ្នកជាសះស្បើយពីជំងឺកូវីដ១៩ នឹងក្លាយជាថ្នាំពិសេសមួយដែលអនុញ្ញាតឲ្យពន្លឿនការជាសះស្បើយ និងអនុញ្ញាតឲ្យបង្ការការឆ្លងជំងឺកូវីដ១៩។ តាមលោកស៊ុននី ស៊ី ថ្នាំព្យាបាលនេះនឹងអាចដាក់ឲ្យប្រើប្រាស់នៅមុនដំណាច់ឆ្នាំ ២០២០ ពោលមុនរដូវត្រជាក់ឆ្នាំក្រោយដែលជំងឺដដែលមួយនេះអាចវិលត្រឡប់ជាថ្មី។ តាមរដ្ឋអំណាចសុខាភិបាលចិន មានអ្នកជំងឺកូវីដ១៩ ជាង ៧០០នាក់នៅចិនដែលទទួលការព្យាបាលដោយប្លាស្មាបានជាសះស្បើយ។ តែលោកស៊ុននី ស៊ីបានទទួលស្គាល់ពីបរិមាណប្លាស្មាមានកំណត់ដែលគេមិនអាចប្រើក្រោមទ្រង់ទ្រាយធំបានឡើយ៕ ប្រភព៖ medicalxpress