ខេត្តមណ្ឌលគិរី ៖ នៅព្រឹកថ្ងៃទី០២ ខែមិថុនា ឆ្នាំ២០២០នេះ ម្ចាស់ទីតាំងសាខាលក់ផលិតផលឡុងបូរ៉ាបណ្ឌិតសេដ្ឋី មិនព្រមយកប្រាក់ដុល្លារប្រភេទក្រដាស ១ដុល្លារ ២ដុល្លារ និង៥ដុល្លារ ពីអតិថិជន។

បើយោងតាមស្នងការដ្ឋាននគរបាលខេត្តមណ្ឌលគិរី​ សូមធ្វេីការឆ្លេីយបំភ្លឺជូនសាធារណជនអោយបានជ្រាប​ ដែលពត៌មានថា នៅសាខាលក់ផលិតផលឡុងបូរ៉ាបណ្ឌិតសេដ្ឋី​ ខេត្តមណ្ឌលគិរី​ នៅចំណុចក្បែរមន្ទីរពេទ្យបង្អែកខេត្ត​ ស្ថិតនៅភូមិចំបក់​ សង្កាត់ស្ពានមានជ័យ​ ក្រុងសែនមនោរម្យ លក់ដូរមិនយកប្រាក់ដុល្លាប្រភេទក្រដាស​ ១ដុល្លារ ២ដុល្លារ និង៥ដុល្លារ កាលពីព្រឹកថ្ងៃទី02​ ខែមិថុនា​ ឆ្នាំ2020។ 

កម្លាំងនគរបាលយើងបានចុះដល់គោលដៅដេីម្បីសួរនាំ នោះជាពត៌មានពិត ដោយមូលហេតុដែលគាត់មិនទទួលយកប្រាក់ដុល្លាប្រភេទក្រដាស​ ១ដុល្លារ ២ដុល្លារ និង៥ដុល្លារ ព្រោះតែគាត់យកក្រដាសប្រាក់ប្រភេទទាំងបីនេះទៅទិញទំនិញនៅផ្សារសែនមនោរម្យ​ ក៏គេមិនយកដែរ,​ ដូច្នេះហើយបានជាគាត់មិនយកដែរទៅ។ ករណីនេះកម្លាំងនគរបាលយើងបានធ្វើការណែនាំអោយរូបគាត់ចាយប្រាក់ដុល្លាប្រភេទនេះជាធម្មតាវិញ​ តាមសេចក្តីប្រកាសរបស់​សម្តេចអគ្គមហាសេនាបតីតេជោ​ ហ៊ុន​ សែន​ នាយករដ្ឋមន្ត្រី​ នៃព្រះរាជាណាចក្រកម្ពុជា​ ហើយបើមានអ្នកណាមិនទទួលយកសូមអោយរាយការណ៍មកសមត្ថកិច្ច​,​ រូបគាត់ក៏ទទួលយកតាមការណែនាំនេះ។

​អាស្រ័យដូចបានគោរពជម្រាបជូនខាងលេី​ សូមសាធារណជន​ មេត្តាជ្រាបជាពត៌មាន៕

មានវិដេអូ៖