ភ្នំពេញ​ ៖​យុវជន២ក្រុមទាស់សំដីគ្នានិងគប់ដុំថ្មដាក់គ្នាឈានទៅដល់ការផ្ទុះអាវុធ បង្កការភ្ញាក់ផ្អេីលដល់សមត្ថកិច្ចនគរបាល និងកំម្លាំងរាជអាវុធហត្តខណ្ឌ​ ចុះមកអន្តគមន៍​ហេតុការណ៍នេះបានកេីតឡេីង​ នៅវេលាម៉ោង១១និង៣០នាទីយប់ថ្ងៃទី០៤ខែមិថុនាឆ្នាំ២០២០​ តាមបណ្ដោយផ្លូវព្រះនរោត្ដម​ កែងនិងផ្លូវ២០២​ មុខអនុវិទ្យាល័យចតុមុខ​ ស្ថិតក្នុងសង្កាត់ជ័យជំនះខណ្ឌដូនពេញ​ រាជធានីភ្នំពេញ​ ។

តាមប្រភពពីកន្លែងកេីតហេតុបានប្រាប់ឲ្យដឹងថា មុនពេលកេីតហេតុគេឃេីញយុវជនមួយក្រុម២ម៉ូតូមានគ្នា៤នាក់​ បានជិះម៉ូតូ(មិនចាំម៉ាកនិងស្លាកលេខ)បានឈប់ទិញនំ​ដែលលក់កន្លែងចំណតរថយន្តក្រុងមុខរបងសាលាចតុមុខ​ ហេីយបានស្រែកថាឲ្យក្រុមយុវជនមួយក្រុមទៀតដែលជិះម៉ូតូ៣គ្រឿងមានគ្នា៤ទៅ៥នាក់ដែលកំពង់ធ្វេីដំណេីរស្របទិសគ្នាពីត្បូងទៅជេីង​ រួចក៍បានជិះម៉ូតូត្រឡប់ក្រោយវិញបំរ៉ុងចូលសួរ​ ស្រាប់តែភាគីដែលឈប់ទិញនំបានយកដុំថ្មគប់ទៅក្រុមនោះបណ្ដាលឲ្យត្រូវម៉ូតូមួយគ្រឿង ធ្វើឲ្យភាគី ខឹងបានដកកាំភ្លេីងខ្លីបា.ញ់ឡេីងលេីចំនួន៣គ្រាប់​ ហេីយដេញ​ ក្រុមដែលប្រេីដុំថ្មរត់ចែកជេីងគ្នាដោយម្នាក់រត់ផ្លោះរបងចូលសាលា និង៣នាក់ទៀតរត់ចូលហាង(បបរស)ដែលនៅក្បែនោះ​ ហេីយក្រុមដែលមានកាំភ្លេី.ងក៏បានបា.ញ់បន្ថែមចំនួន២គ្រាប់ទៀត​ រួចបេីកម៉ូតូគេចបាត់ស្រមោល​ និងបន្សល់ទុកម៉ូតូ២គ្រឿងរបស់ភាគីខាងគប់ដុំថ្ម​ នៅកន្លែងកើតហេតុ។

​ក្រោយពេលកេីតហេតុ​ សមត្ថកិច្ចខណ្ឌដូនពេញ​ បានចុះមកដល់កន្លែងកេីតហេតុ​ បានយកម៉ូតូទាំង២គ្រឿងទៅរក្សាទុក​ និងរុករកឃាត់ខ្លួនយុវជនម្នាក់ទៅសួរនាំ​នៅប៉ុស្តិ៍​ ក្រោយសួរនាំរួចុវជននោះបានសារភាពថា​ ពិតជាបានគប់ដុំថ្មទៅលេីភាគីម្ខាងទៀតពិតប្រាកដមែន ទេីបសមត្ថកិច្ចចាត់ការតាមនិតិវិធីច្បាប់បន្ត​ ចំណែកក្រុមផ្ ទុះអាវុ.ធ​ សមត្ថកិច្ចកំពុងតែធ្វើការស្រាវជ្រាវដើម្បីស្វែងចាប់ខ្លួនយកមកផ្ដន្ទាទោសតាមផ្លូវច្បាប់៕

ដោយ៖ ភត្ត្រា