ថៅកែហាងពេជ្រ និងមាស ដ៏ល្បីឈ្មោះ អ្នកនាង ទ្រី ដាណា ដែលបងប្អូនពុកម៉ែ មាមីង បានស្គាល់ អ្នកនាង តាមរយៈការជួយដល់សង្គម និងជាម្ចាស់ផលិតផលហ្រេនដ៏ធំ ម៉ាក N.N.P ដែលកំពុងធ្វើចរាចរណ៍លើទីផ្សារយ៉ាងក្តៅកកុះ ហើយទទួលបានការគាំទ្រយ៉ាងខ្លាំង ពីសំណាក់បងប្អូន។
នៅមុននេះបន្តិច អ្នកនាង ទ្រី ដាណា បានបង្ហោះសារថា "បើយើងកំពុងតែដើរទៅហើយ គ្រាន់តែយឺតតិច កុំព្រួយចិត្តអី ព្រោះទៅមុខ យើងអាចនឹងជួបផ្លូវណាមួយ ដែលយល់ថាអាចដើរលឿនជាងនេះ ឬក៏ជួបរឿងអីមួយ ដែលយើងនឹកស្មានមិនដល់ ឧទាហរណ៍ថារើសបានកំណប់អីចឹងទៅ ហេហេហេ ថាលេងទេ កុំពឹងលើកំណប់ហ្នឹង គេរើសអស់ហើយ។
តែបើយើងមិនដើរសោះ នៅចាំមើលនេះ ចាំមើលនោះ មិនអាចដល់ទេ ក៏មិនអាចជួបអីដែរ គឺនៅតែដដែលហ្នឹង។ គេមិនភ័យអារឿងដើរទៅមុខយឺតៗទេ គេភ័យតែរឿងនៅមួយកន្លែងតើ។ ដែលឃើញខ្យងអត់ តិកតក់ៗ តែដល់គោលដៅ ឯសត្វខ្លះទៀត អាចតែខ្លួនឯងលឿន តែមិនព្រមទៅមុខទេ ដល់ពេលចេញដំណើរ ជួបឧបសគ្គបន្តិច ក៏ខូចការបាត់។
ការចាប់ផ្ដើមធ្វើអីក៏ដោយ វាមិនងាយស្រួលទេ ហើយក៏វាមិនសុខដូចនៅមួយកន្លែងដែរ តែត្រូវចាំថា បើយើងមិនទៅមុខ យើងក៏មិនទទួលបានអីថ្មី ឃើញអីថ្មីៗដែរ។ កុំរកសុខច្រើនពេក ព្យាយាមហត់មុនទៅ ចុងក្រោយបានដឹងថា វេទនាដដែល ហាហាហា តែវេទនាដោយសាររវល់មានសព្វគ្រប់ វាប្រសើរជាងគ្មានអីសោះ។
ប្រភព៖ ទ្រី ដាណា Dana Try
