តារាចម្រៀងប្រុសដែលបានសាងឈ្មោះដ៏ល្បីល្បាញ នៅក្នុងផលិតកម្មរស្មីហង្សមាស គឺលោក ឆន សុវណ្ណារាជ ទទួលបានការគាំទ្រយ៉ាងខ្លាំង ពីសំណាក់ហ្វេនៗ ក៏ដូចជា មហាជន ព្រោះតែទឹកដមសំលេងរបស់លោក ពិរោះរណ្តំចិត្ត។
អ្វីដែលធ្វើឲ្យមហាជនភ្ញាក់ផ្អើលនោះមុននេះបន្តិចម្ចាស់បទ "ផឹកលួងខ្លួនឯង" បានបង្ហោះរូបភាពមួយសន្លឹក អមដោយទេសភាពដ៏សែនស្រស់ស្អាត ដោយផ្ទៃមេឃពណ៌ខៀវខ្ចី និងវាលស្មៅក្រាស់ឃ្មឹកគួរឲ្យគយគន់ពីដែនដីភូមិភាគឦសានខេត្តមណ្ឌលគីរី។ នៅក្នុងសារដែលលោកបានបង្ហោះ អមជាមួយទេសភាពយ៉ាងត្រជាក់ភ្នែក ដោយព្រៃឈើខៀវស្រងាត់ នៅខាងក្រោយខ្នងរបស់លោក ពិតជាធ្វើអ្នកគាំទ្រមានអារម្មណ៍ថាស្រស់ស្រាយ តែរាងកណ្តោចកណ្តែងតាម Idol របស់ខ្លួន ព្រោះឃើញតែថតរូបម្នាក់ឯង មិនមានដៃគូរសោះ។
នៅក្នុងរូបភាពមួយសន្លឹកនេះ លោក ឆន សុវណ្ណារាជ ក៏បានបង្ហោះសារយ៉ាងខ្លី បន្ទាប់ពីធ្វើការហត់នឿយ ថា "អរុណសួស្តីបាទ ពីដែនដីឦសានខេត្តមណ្ឌលគីរី ឆ្លៀតពេលមកសាកថ្មអោយជីវិតខ្លះ"។
