ប្រិយមិត្តច្បាស់ជាបានជ្រាបហើយថាកាលពី ថ្ងៃទី ២២ ខែកក្កដា ឆ្នាំ២០២០ កន្លងទៅនេះ ព្រះតេជគុណងួន ចាន់ដេវីត បានសម្រេចកោរសក់ បួសជាព្រះសង្គនៅ វត្តល្អាងកង្កែប ក្នុងស្រុកបាណន់ ខេត្តបាត់ដំបង ។
យ៉ាងណាមិញបើគិតមកទល់និងពេលនេះគឺព្រះតេជគុណ ដេវីត បានបួសជាព្រះសង្ឃអស់រយៈពេលប្រមាណជិត១ខែមកហើយ ដោយសង្កេតឃើញថា ព្រះអង្គឧស្សាហ៍និមន្តបិណ្ឌបាត និងមានញាតិញោមយកចង្ហាន់ ព្រមទាំងទេយ្យទាន មកប្រគេនដល់វត្តជាញឹកញាប់ផងដែរ។
ដោយឡែកនៅកាលពីពេលថ្មីៗនេះ កញ្ញា ទេព បូព្រឹក្ស បានធ្វើការបង្ហោះសាររៀបរាប់យ៉ាងដូច្នេះថា ៖ « អត់បានដើរលេងនឹងគេទេ បានតែមកវត្តទទួលលោកបងទៅភ្នំពេញវិញរយះពេលមួយខែស្ងប់ស្ងាត់ល្អណាស់ វត្តល្អាងកង្កែប » ។
សូមរំលឹកផងដែរថានៅកាលពីប៉ុន្មានថ្ងៃមុននេះយោងតាមវីដេអូច្បាស់ការមួយ ប្រាប់ឲ្យដឹងថា ព្រះតេជគុណ ដេវីត នឹងដល់ថ្ងៃសឹកវិញហើយ គឺនៅព្រឹក ថ្ងៃទី ២២ ខែសីហា ឆ្នាំ ២០២០ នេះ គឺគម្រប់១ខែ នៃការសាងព្រះភ្នូសរបស់ព្រះតេជគុណ៕
