បរទេស៖ តារាសម្តែងជើងចាស់ ដែលជាទូទៅបងប្អូនបានស្គាល់ និងតែងឃើញអ្នកស្រី Kanjana Jindawat ដើរតួជាម្តាយ ក្នុងរឿងភាគថៃ ពេលនេះអ្នកស្រី បានទទួលមរណ ភាពហើយនៅថ្ងៃទី ២៧ ខែសីហាឆ្នាំ ២០២០វេលាម៉ោង ៤និង៤៧នាទីល្ងាច ក្នុងអាយុ ៦១ឆ្នាំ ដោយសារជំងឺបេះដូង។
ដំណឹងដ៏ក្រៀមក្រំមួយនេះបានធ្វើឲ្យមហាជនក៏ដូចជា អ្នកសិល្បៈរួមអាជីពទាំងអស់ ពិតជាមានការសោកស្តាយខ្លាំង ដែលបានបាត់បង់ធនធានមនុស្សដ៏សំខាន់ម្នាក់នេះ ពីពិភពសិល្បៈថៃ។ ពេលដែលអ្នកស្រីសម្តែង គឺអ្នកស្រី ពិតជាសម្តែងបានយ៉ាងល្អ និងគួរឲ្យកោតសរសើរនូវទេពកោសល្យរបស់អ្នកស្រីខ្លាំងណាស់។
អ្នកស្រីបាន Kanjana កើតនៅថ្ងៃទី ១ ខែតុលាឆ្នាំ ១៩៥៨ ហើយក៏បានចាប់ផ្តើមអាជីពសិល្បៈ នៅក្នុងឧស្សាហកម្មកម្សាន្តដោយការថតផ្សាយពាណិជ្ជកម្ម។ ជាមួយគ្នានោះផងដែរ អ្នកស្រី មានការងារជាច្រើន ជាបន្តបន្ទាប់ ហើយក៏ក្លាយជាតារាសម្តែងដ៏ល្បីឈ្មោះម្នាក់ ស្ថិតនៅក្នុងប្រជាពលរដ្ឋរបស់ប្រទេសថៃ ។ ចាប់តាំងពីទសវត្ស ៨០ មកទល់ពេលបច្ចុប្បន្ន ហើយស្នាដៃសម្ដែងក៏មិនតិចជាងរយរឿងដែរ៕
ប្រភព៖ thairath
