ភ្នំពេញ ៖ ពិតជាមានមោទណភាពខ្លាំងណាស់ដែលកម្ពុជាបានឈានមុខគេនៅលើពិភពលោក នៅក្នុងការប្រើប្រាស់សត្វកណ្តុរ និងសត្វសុនខ (ឆ្កែ) ដើម្បីហិត មី ន ដែលទទួលបានជោគជ័យខ្លាំងបំផុត ។ នេះបើតាមការបញ្ជាក់របស់លោក ហេង រតនា ប្រតិភូរាជរដ្ឋាភិបាលទទួលបន្ទុក ជាអគ្គនាយកស៊ីម៉ាក់។

លោកបានបន្តឲ្យដឹងទៀតថា ៖ សូមអបអរសាទរកណ្តុរហិតមីនឈ្មោះម៉ាហ្គាវ៉ាបានទទួលមេដាយមាសការងារ! (២៥​ កញ្ញា​២០២០) កណ្តុរហិត មី ន របស់អង្គភាពសុីម៉ាក់និងអង្គការAPOPOប៊ែលហ្សិក​ ឈ្មោះ​ ម៉ាហ្គាវ៉ា​ (Magawa)​ បានទទួលមេដាសការងារពីអង្គការសប្បុរសធម៌សត្វព្រៃនៃប្រទេសអង់គ្លេស​ (PDSA)​

ម៉ាហ្គាវ៉ា​ មានស្នាដៃរុករកឃេីញ គ្រា ប់ មី ន ចំនួន៣៩គ្រាប់​ និងគ្រាប់យុទ្ធភណ្ឌ័មិនទាន់ផ្ទុះចំនួន២៨គ្រាប់​ នៅទិសខេត្តសៀមរាប​ និងខេត្តព្រះវិហារ។ មេដាយមាសនេះ​ បានធ្លាក់មកលេីកណ្តុរហិតមីនម៉ាហ្គាវ៉ា​ ជាលេីកដំបូងគេ​ ដែលមេដាយនេះផ្តល់ឱ្យសត្វដែលលះបង់ដេីម្បីភារកិច្ច ៕