ភ្នំពេញ៖ តាម​ប្រភព​ព័ត៌មាន​ច្បាស់​ការណ៍​ពី​ពី​មិត្តភក្តិ​ជិត​ស្និទ្ធ​នឹង​លោក ស៊ី សោ​ភណ្ឌ​ឬ​ទ្ធី បាន​ឲ្យ​ដឹង​ថា ​លោក ស៊ី សោ​ភណ្ឌ​ឬ​ទ្ធី ដែល​ជា​គណៈកម្មការ​នៅ​ក្នុង​កម្មវិធី Master Chef Khmer បានទទួលមរណៈភាពហើយ ខណៈប្រហែល៣ម៉ោងមុន លោកបានចូល​ក្នុង​បន្ទប់សង្គ្រោះបន្ទាន់​(ICU) នៃ​មន្ទីរពេទ្យ​ខេ​មា ក្នុង​ខណ្ឌទួលគោក ដែល​មាន​ជំងឺ​សួត​ក្នុង​ដំណាក់កាល​ចុង​ក្រោយ​។

ជាមួយគ្នានោះដែរ គណនីហ្វេសប៊ុករបស់បងស្រីម្នាក់ ដែលអះអាងថា គ្រួសារបងស្រី រាប់អានជាមួយChef រិទ្ធី ដូចបងប្អូន បានសរសេរថា Chef រិទ្ធី បានទទួលមរណភាពមុននេះបន្តិច ហើយពេលនេះ ភរិយារបស់លោក ក៏កំពុងរៀបចំដំណើរ និងយកChef រិទ្ធី ទៅគេហដ្ឋាន ដោយលែងសង្ឃឹមតទៅទៀតហើយ។

គួរបញ្ជាក់ផងដែរថា Chef រិទ្ធី មានជំងឺក្រិនថ្លើម និង របេងសួត តាំងពីយូរណាស់មកហើយ តែទើបតែបច្ចុប្បន្ននេះទេ ជំងឺរបស់គាត់ បានបាក់ខ្លាំងមែនទែនតែម្តង រហូតមកដល់វិនាទីនេះ Chef រិទ្ធី ក៏លែងមានជីវិតតទៅទៀត ហើយក៏លែងមានវត្តមានជា Chef នៅក្នុងកម្មវិធីMasterchef Cambodia បន្តទៀតដែរ។

យ៉ាងណាមិញ នាពេលនេះ គ្រូពេទ្យ នៅបន្តដាក់អុកស៊ីសែនសិន នៅបន្ទប់សង្គ្រោះបន្ទាន់ ដើម្បីពន្យាពេលឲ្យហួសម៉ោង១១យប់ ទើបដកចេញ ដើម្បីកុំឲ្យឆុងខ្លាំង ហើយនៅឯគេហដ្ឋាន បងប្អូន ក៏បានធ្វើរោងបុណ្យសព រួចរាល់ជាស្រេច ដើម្បីចាំទទួលChef រិទ្ធី ៕