ភ្នំពេញ៖ បងប្អូនប្រជាពលរដ្ឋ ក្រោយពេលទទួលដំណឹង របស់អន្ទិតកក្ដដា សុភ័ណ្ឌ បានឆ្លងកូវីដ ១៩ ហើយនោះ ស្រាប់តែបង្ហាញក្តីបារម្ភ ក្រោយពីបានឃើញរូបភាពមួយសន្លឹករបស់ព្រះនាងតូច នរោត្តម ជេនណា និង អន្ទិតកក្តដា សុភ័ណ្ឌ ជាហេតុធ្វើឲ្យមហាជនពិតជាក្តីបារម្ភយ៉ាងខ្លាំង។
ក្រោយពេលព្រះនាងតូច នរោត្តម ជេនណា បានទតឃើញពីក្តីបារម្ភរបស់ពុកម៉ែបងប្អូនហើយនោះ ពេលនេះ ព្រះនាងតូច បានចេញមកបញ្ជាក់យ៉ាងច្បាស់ៗថា " សូមជម្រាបសួរពុកម៉ែបងប្អូនជិតឆ្ងាយទាំងអស់ ដែលព្រួយបារម្ភអំពីខ្ញុំ ក្រោយពីមានការផុសផ្សាយថា លោក កក្តដា សោភ័ណ បានជួបខ្ញុំ។
ខ្ញុំចង់ជម្រាបថា រូបនេះ ថតតាំងពីជាង៧ខែមកហេីយ ដែលកាលនោះរូបគាត់បានមកលេងខ្ញុំនៅព្រះដំណាក់មែន តែរយះពេលជាង៧ខែមកនេះខ្ញុំពុំដែលបានជួបគាត់ទៀតនោះទេ។
ខ្ញុំសូមអរគុណណាស់ដែលពុកម៉ែបងប្អូនព្រួយបារម្ភអំពី សុខភាពខ្ញុំ ខ្ញុំនិងក្រុមគ្រួសារពុំបានចេញពីព្រះដំណាក់បេីគ្មានការចាំបាច់នោះទេ ទោះបីជាចេញទៅណាមកណាក៏ពាក់ម៉ាស និងលាងដៃដោយអាល់កុលការពារជាប្រចាំដែរ។
ខ្ញុំ និងក្រុមគ្រួសារសូមជូនពរដល់បងប្អូនដែលកំពុងមានជំងឺកូវីដទាំងអស់ទាំងសិល្បករ ក៏ដូចជាប្រជាជនដទៃទៀតឆាប់ជាសះស្បេីយឡេីងវិញ ហេីយបងប្អូនទាំងសូមមេត្តារួមគ្នាគោរពតាមការណែនាំរបស់ក្រសួងសុខាភិបាល និងសារាចរណ៍របស់រាជរដ្ឋាភិបាលនៃយេីង។
ជាមួយគ្នាខ្ញុំ និងក្រុមគ្រួសារក៏សូមបួងសួងទេវតាថែរក្សាប្រទេសកម្ពុជា សូមជួយថែរក្សាការពារប្រជាជនខ្មែរ ក៏ដូចជាប្រទសកម្ពុជាទាំងមូលបានជៀសផុតពីជំងឺកូវីដ១៩នេះ អោយបានឆាប់ៗបំផុត។
