ពិតជាស្ដេចលុយមែន! ត្រឹមតែ៥នាទី Floyd បានភ្នាល់ឈ្នះប្រាក់ក្នុងការប្រកួត UFC 264 រវាង Dustin Poirier vs Conor McGregor បានចំនួនរហូតដល់…
សីហា
- 1398

បរទេស៖ «Money» Floyd Mayweather Jr. អតីតកីឡាករអ្នកលេងកណ្តាប់ដៃ មិនដែលធ្លាប់ស្គាល់ពាក្យថាចាញ់របស់សហរដ្ឋអាមេរិកដែលទើបតែរកលុយបានចំនួន ១០០ លានដុល្លារអាមេរិក បន្ទាប់ពីបានប្រយុទ្ធជាមួយ កំពូលYouTuber Logan Paul ដ៏ល្បីនៅសង្វៀន Hard Rock Arena កាលពីដើមខែមិថុនា។


កាលពីថ្មីៗនេះ មានអ្នកគាំទ្រជាច្រើនបានធ្វើការច្រណែនទៅលើFloyd ក្រោយពីកីឡាកររូបនេះបានអួតបង្ហាញលុយឈ្នះរបស់ខ្លួន ក្នុងការភ្នាល់ស្របច្បាប់ នៅក្នុងការប្រកួតUFC 264 ដែលចាក់ថាកីឡាករជនជាតិអាមេរិក Dustin Poirier នឹងយកឈ្នះកីឡាករ Conor McGregor នៅលើសង្វៀន T-Mobile Arena ទីក្រុងឡាសវេហ្គាស សហរដ្ឋអាមេរិកនៅព្រឹកថ្ងៃអាទិត្យទី ១១ ខែកក្កដា។

គេដឹងច្បាស់ថាលទ្ធផលបានបញ្ចប់នៅទឹកទី ១ នៅពេលដែល Conor McGregor រងរបួសបាក់ជើងដែលធ្វើឱ្យរូបគេមិនអាចតស៊ូបាន។ បណ្តាលឱ្យគ្រូពេទ្យក្នុងតំបន់សម្រេចចិត្តបញ្ឈប់ការប្រយុទ្ធ ដោយប្រកាសឲ្យកីឡាករ Dustin Poirier ជាអ្នកឈ្នះក្នុងការប្រកួត។ ពីព្រោះ Conor McGregor មិនអាចធ្វើការប្រកួតបាននោះទេបន្ទាប់ពីឆ្អឹងជើងរបស់កីឡាកររូបបានហើមយ៉ាងខ្លាំង។

បន្ទាប់ពីចប់កម្មវិធីប្រកួត UFC264 អតីតកីឡាករ Floyd វ័យ ៤៤ ឆ្នាំបានថ្លែងអំណរគុណចំពោះកីឡាករជនជាតិអាមេរិករូបនេះបាននិយាយថា "សូមអរគុណលោក Dustin Poirier ចំពោះប្រាក់ដ៏ច្រើន" ខណៈពេលដែលគាត់បានបង្ហាញផងដែរថាគាត់បានភ្នាល់ប្រាក់ចំនួន ៥ ម៉ឺនដុល្លារ ចំពោះការប្រកួតមួយនេះ ដោយបានឈ្នះមកវិញនូវទឹកប្រាក់ចំនួន ៣៥.៧០០ ដុល្លារអាមេរិក ដែលមិនធ្លាប់មានសម្រាប់ការផ្នាល់របស់គាត់នោះឡើយ។

សម្រួលអត្ថបទដោយ៖ SOPHEA

ប្រភព៖ Sanook