កម្សាន្ត៖ ប្រិយមិត្តពិតជាបានស្គាល់ពីតារាចម្រៀងពហុជំនាញ Miss Photos City លោក ជួប ចន័្ទកក្កដា ហៅ រ៉ូលីន រួចមកហើយថាលោកគឺជាតារាចម្រៀងពហុជំនាញភេទទី៣ ម្នាក់ដែលនៅក្នុងពេលបច្ចុប្បន្ននេះលោកកំពុងតែទទួលបានការគាំទ្រយ៉ាងខ្លាំង ពីសំណាក់ប្រិយមិត្ត ទាំងក្នុងនិង ក្រៅសង្គមសិល្បៈ។

យ៉ាងណាមិញនៅមុននេះបន្តិចលោក ជួប ចន័្ទកក្កដា ហៅ រ៉ូលីន បានបង្ហាញរូបថតផ្ទះថ្មីរបស់លោក មួយខ្នងដែលកំពុងតែសាងសង់ជាមួយនិងការបង្ហាញរូបថតផ្ទះរបស់ខ្លួននោះទេ រ៉ូលីន ថែមទាំងបានភ្ជាប់មកជាមួយនិងសំណេរដែលមានខ្លឹមសារដូច្នេះផងដែរថា៖ «មិនចូលចិត្តប្រគួតប្រជែង​នរណា ចូលចិត្តរស់សាមញ្ញ​ មានផ្ទះតូចមួយ​ មុខរបរតូចមួយ​ ជីវិតមានន័យ» ។

បន្ទាប់ពីឃើញ រ៉ូលីន បង្ហោះរូបផ្ទះបែបនេះរួចឃើញថាមានមហាជនដែលប្រើប្រាស់បណ្តាញសង្គមហ្វេសប៊ុកជាច្រើនបានសម្តែងការភ្ញាក់ផ្អើលយ៉ាងខ្លាំងរហូតមានអ្នកខ្លះលាន់មាត់សរសើរថា ម៉ូតផ្ទះរបស់រ៉ូលីន ស្អាត និងគួរឲ្យចង់រស់នៅណាស់ ខ្លះទៀតសរសើរ រ៉ូលីន នៅក្មេងសោះតែមានសតម្ថភាពអាចរកលុយទិញដីទិញផ្ទះបានដោយខ្លួនឯង និងនៅមានច្រើនទៀតដែលមិនអាចលើកយកមកជម្រាបជូនអស់ ៕